मू-क़लम तोड़ चुका आख़िरी तस्वीर के बा'द
मुझ से कुछ बनता नहीं था तिरी तस्वीर के बा'द
मुश्तरक दोस्त भी छोड़े हैं तुझे छोड़ने पर
मुझ को दीवार हटाना पड़ी तस्वीर के बा'द
इक मुलाक़ात हुई वो भी बिछड़ने के लिए
कैमरा टूट गया एक ही तस्वीर के बा'द
यार तस्वीर में तन्हा हूँ मगर लोग मिले
कई तस्वीर से पहले कई तस्वीर के बा'द
मैं जो कुछ और था अब और ही कुछ लगता हूँ
या'नी तदवीन बहुत की गई तस्वीर के बा'द
ख़ुश्क दीवार में सीलन का सबब क्या होगा
इक 'अदद ज़ंग लगी कील थी तस्वीर के बा'द
भेज देता हूँ मगर पहले बता दूँ तुझ को
मुझ से मिलता नहीं कोई मिरी तस्वीर के बा'द
दूसरा 'इश्क़ मयस्सर है मगर करता नहीं
कौन देखेगा पुरानी नई तस्वीर के बा'द
mū-qalam toḌ chukā āḳhirī tasvīr ke baa'd
mujh se kuchh bantā nahīñ thā tirī tasvīr ke baa'd
mushtarak dost bhī chhoḌe haiñ tujhe chhoḌne par
mujh ko dīvār haTānā paḌī tasvīr ke baa'd
ik mulāqāt huī vo bhī bichhaḌne ke liye
camera TuuT gayā ek hī tasvīr ke baa'd
yaar tasvīr meñ tanhā huuñ magar log mile
ka.ī tasvīr se pahle ka.ī tasvīr ke baa'd
maiñ jo kuchh aur thā ab aur hī kuchh lagtā huuñ
yā'nī tadvīn bahut kī ga.ī tasvīr ke baa'd
ḳhushk dīvār meñ sīlan kā sabab kyā hogā
ik 'adad zang lagī kiil thī tasvīr ke baa'd
bhej detā huuñ magar pahle batā duuñ tujh ko
mujh se miltā nahīñ koī mirī tasvīr ke baa'd
dūsrā 'ishq mayassar hai magar kartā nahīñ
kaun dekhegā purānī na.ī tasvīr ke baa'd
مو قلم توڑ چکا آخری تصویر کے بعد
مجھ سے کچھ بنتا نہیں تھا تری تصویر کے بعد
مشترک دوست بھی چھوڑے ہیں تجھے چھوڑنے پر
مجھ کو دیوار ہٹانا پڑی تصویر کے بعد
اک ملاقات ہوئی وہ بھی بچھڑنے کے لیے
کیمرا ٹوٹ گیا ایک ہی تصویر کے بعد
یار تصویر میں تنہا ہوں مگر لوگ ملے
کئی تصویر سے پہلے کئی تصویر کے بعد
میں جو کچھ اور تھا اب اور ہی کچھ لگتا ہوں
یعنی تدوین بہت کی گئی تصویر کے بعد
خشک دیوار میں سیلن کا سبب کیا ہو گا
اک عدد زنگ لگی کیل تھی تصویر کے بعد
بھیج دیتا ہوں مگر پہلے بتا دوں تجھ کو
مجھ سے ملتا نہیں کوئی مری تصویر کے بعد
دوسرا عشق میسر ہے مگر کرتا نہیں
کون دیکھے گا پرانی نئی تصویر کے بعد