मुँह मिरा एक एक तकता था
उस की महफ़िल में मैं तमाशा था
हम जो तुझ से फिरें ख़ुदा से फिरें
याद है कुछ ये क़ौल किस का था
वस्ल में भी रहा फ़िराक़ का ग़म
शाम ही से सहर का खटका था
अपनी आँखों का कुछ क़ुसूर नहीं
हुस्न ही दिल-फ़रेब इस का था
फ़ातिहा पढ़ रहे थे वो जब तक
मेरी तुर्बत पर एक मेला था
नामा-बर नामा जब दिया तू ने
कुछ ज़बानी भी उस ने पूछा था
अब कुछ इस का भी ए'तिबार नहीं
पहले दिल पर बड़ा भरोसा था
वो जो रुक रुक के पूछते थे हाल
दिल में रह रह के दर्द उठता था
जूठा वा'दा भी ऐ 'हफ़ीज़' उन का
ज़िंदगी का मिरी सहारा था
muñh mirā ek ek taktā thā
us kī mahfil meñ maiñ tamāshā thā
ham jo tujh se phireñ ḳhudā se phireñ
yaad hai kuchh ye qaul kis kā thā
vasl meñ bhī rahā firāq kā ġham
shaam hī se sahar kā khaTkā thā
apnī āñkhoñ kā kuchh qusūr nahīñ
husn hī dil-fareb is kā thā
fātiha paḌh rahe the vo jab tak
merī turbat par ek melā thā
nāma-bar naama jab diyā tū ne
kuchh zabānī bhī us ne pūchhā thā
ab kuchh is kā bhī e.atibār nahīñ
pahle dil par baḌā bharosā thā
vo jo ruk ruk ke pūchhte the haal
dil meñ rah rah ke dard uThtā thā
jūThā va.ada bhī ai 'hafīz' un kā
zindagī kā mirī sahārā thā
منہ مرا ایک ایک تکتا تھا
اس کی محفل میں میں تماشا تھا
ہم جو تجھ سے پھریں خدا سے پھریں
یاد ہے کچھ یہ قول کس کا تھا
وصل میں بھی رہا فراق کا غم
شام ہی سے سحر کا کھٹکا تھا
اپنی آنکھوں کا کچھ قصور نہیں
حسن ہی دل فریب اس کا تھا
فاتحہ پڑھ رہے تھے وہ جب تک
میری تربت پر ایک میلا تھا
نامہ بر نامہ جب دیا تو نے
کچھ زبانی بھی اس نے پوچھا تھا
اب کچھ اس کا بھی اعتبار نہیں
پہلے دل پر بڑا بھروسا تھا
وہ جو رک رک کے پوچھتے تھے حال
دل میں رہ رہ کے درد اٹھتا تھا
جوٹھا وعدہ بھی اے حفیظؔ ان کا
زندگی کا مری سہارا تھا