मुझे पहले तो लगता था कि ज़ाती मसअला है
मैं फिर समझा मोहब्बत काएनाती मसअला है
परिंदे क़ैद हैं तुम चहचहाहट चाहते हो
तुम्हें तो अच्छा-ख़ासा नफ़सियाती मसअला है
हमें थोड़ा जुनूँ दरकार है थोड़ा सुकूँ भी
हमारी नस्ल में इक जीनियाती मसअला है
बड़ी मुश्किल है बनते सिलसिलों में ये तवक़्क़ुफ़
हमारे राब्तों की बे-सबाती मसअला है
वो कहते हैं कि जो होगा वो आगे जा के होगा
तो ये दुनिया भी कोई तजरबाती मसअला है
हमारा वस्ल भी था इत्तिफ़ाक़ी मसअला था
हमारा हिज्र भी है हादसाती मसअला है
mujhe pahle to lagtā thā ki zaatī mas.ala hai
maiñ phir samjhā mohabbat kā.enātī mas.ala hai
parinde qaid haiñ tum chahchahāhaT chāhte ho
tumheñ to achchhā-ḳhāsā nafsiyātī mas.ala hai
hameñ thoḌā junūñ darkār hai thoḌā sukūñ bhī
hamārī nasl meñ ik jīniyātī mas.ala hai
baḌī mushkil hai bante silsiloñ meñ ye tavaqquf
hamāre rābtoñ kī be-sabātī mas.ala hai
vo kahte haiñ ki jo hogā vo aage jā ke hogā
to ye duniyā bhī koī tajrabātī mas.ala hai
hamārā vasl bhī thā ittifāqī mas.ala thā
hamārā hijr bhī hai hādsātī mas.ala hai
مجھے پہلے تو لگتا تھا کہ ذاتی مسئلہ ہے
میں پھر سمجھا محبت کائناتی مسئلہ ہے
پرندے قید ہیں تم چہچہاہٹ چاہتے ہو
تمہیں تو اچھا خاصا نفسیاتی مسئلہ ہے
ہمیں تھوڑا جنوں درکار ہے تھوڑا سکوں بھی
ہماری نسل میں اک جینیاتی مسئلہ ہے
بڑی مشکل ہے بنتے سلسلوں میں یہ توقف
ہمارے رابطوں کی بے ثباتی مسئلہ ہے
وہ کہتے ہیں کہ جو ہوگا وہ آگے جا کے ہوگا
تو یہ دنیا بھی کوئی تجرباتی مسئلہ ہے
ہمارا وصل بھی تھا اتفاقی مسئلہ تھا
ہمارا ہجر بھی ہے حادثاتی مسئلہ ہے