मुझ को दरून-ए-ज़ात का नक़्शा दिखाई दे
आईना वो दिखाओ कि चेहरा दिखाई दे
आदाब-ए-तिश्नगी ने सिखाए हैं वो हुनर
प्यासे को मुश्त-ए-ख़ाक में कूज़ा दिखाई दे
ऐसी रही हैं निस्बतें दीवार-ए-यार से
कू-ए-सितम की धूप भी साया दिखाई दे
हर लब पे हर्फ़-ए-वा’ज़-ओ-नसीहत है शहर में
हर शख़्स आसमान से उतरा दिखाई दे
अफ़्शाँ किसी किसी में ही अनवार-ए-फ़ैज़ है
वैसे तो हर चराग़ ही जलता दिखाई दे
उन के वरक़ वरक़ पे है नाम-ए-ख़ुदा रक़म
जिन की किताब-ए-ज़िंदगी सादा दिखाई दे
तमसील-गाह-ए-वक़्त में बैठे हैं मुंतज़िर
पर्दा उठे तो कोई तमाशा दिखाई दे
दुनिया फ़रेब-ज़ार-ए-नज़र है 'अजब 'ज़हीर'
आँखें न हों तो ख़ाक भी सोना दिखाई दे
mujh ko darūn-e-zāt kā naqsha dikhā.ī de
ā.īna vo dikhāo ki chehra dikhā.ī de
ādāb-e-tishnagī ne sikhā.e haiñ vo hunar
pyāse ko musht-e-ḳhāk meñ kuuza dikhā.ī de
aisī rahī haiñ nisbateñ dīvār-e-yār se
kū-e-sitam kī dhuup bhī saayā dikhā.ī de
har lab pe harf-e-vā’z-o-nasīhat hai shahr meñ
har shaḳhs āsmān se utrā dikhā.ī de
afshāñ kisī kisī meñ hī anvār-e-faiz hai
vaise to har charāġh hī jaltā dikhā.ī de
un ke varaq varaq pe hai nām-e-ḳhudā raqam
jin kī kitāb-e-zindagī saada dikhā.ī de
tamsīl-gāh-e-vaqt meñ baiThe haiñ muntazir
parda uThe to koī tamāshā dikhā.ī de
duniyā fareb-zār-e-nazar hai 'ajab 'zahīr'
āñkheñ na hoñ to ḳhaak bhī sonā dikhā.ī de
مجھ کو درون ذات کا نقشہ دکھائی دے
آئینہ وہ دکھاؤ کہ چہرہ دکھائی دے
آداب تشنگی نے سکھائے ہیں وہ ہنر
پیاسے کو مشت خاک میں کوزہ دکھائی دے
ایسی رہی ہیں نسبتیں دیوار یار سے
کوئے ستم کی دھوپ بھی سایا دکھائی دے
ہر لب پہ حرف وعظ و نصیحت ہے شہر میں
ہر شخص آسمان سے اترا دکھائی دے
افشاں کسی کسی میں ہی انوار فیض ہے
ویسے تو ہر چراغ ہی جلتا دکھائی دے
ان کے ورق ورق پہ ہے نام خدا رقم
جن کی کتاب زندگی سادہ دکھائی دے
تمثیل گاہ وقت میں بیٹھے ہیں منتظر
پردہ اٹھے تو کوئی تماشا دکھائی دے
دنیا فریب زار نظر ہے عجب ظہیرؔ
آنکھیں نہ ہوں تو خاک بھی سونا دکھائی دے