मुबहम तख़य्युलात के पैकर तराशना
है मश्ग़ला ख़लाओं में मंज़र तराशना
लड़ना हर एक लम्हा समुंदर से रात के
और ख़्वाब के जज़ीरे में इक घर तराशना
आँखों को मेरी आप ने सौंपा है ख़ूब काम
जुगनू उछालना कभी गौहर तराशना
पेशानियों पे लिखना ख़ुद अपना हमें नसीब
हाथों से अपने अपना मुक़द्दर तराशना
पैहम सुलगती धूप में जलना तमाम दिन
शब-भर हसीन ख़्वाबों के पैकर तराशना
क्या ख़ूब लुत्फ़ देने लगी ख़ुद-अज़िय्यती
अच्छा लगा ख़ुद अपना हमें सर तराशना
लहजे की नरमियों से 'क़मर' मेरा राब्ता
उन को 'अज़ीज़ तंज़ के नश्तर तराशना
mub.ham taḳhayyulāt ke paikar tarāshnā
hai mashġhala ḳhalāoñ meñ manzar tarāshnā
laḌnā har ek lamha samundar se raat ke
aur ḳhvāb ke jazīre meñ ik ghar tarāshnā
āñkhoñ ko merī aap ne sauñpā hai ḳhuub kaam
jugnū uchhālnā kabhī gauhar tarāshnā
peshāniyoñ pe likhnā ḳhud apnā hameñ nasīb
hāthoñ se apne apnā muqaddar tarāshnā
paiham sulagtī dhuup meñ jalnā tamām din
shab-bhar hasīn ḳhvāboñ ke paikar tarāshnā
kyā ḳhuub lutf dene lagī ḳhud-aziyyatī
achchhā lagā ḳhud apnā hameñ sar tarāshnā
lahje kī narmiyoñ se 'qamar' merā rābta
un ko 'azīz tanz ke nashtar tarāshnā
مبہم تخیلات کے پیکر تراشنا
ہے مشغلہ خلاؤں میں منظر تراشنا
لڑنا ہر ایک لمحہ سمندر سے رات کے
اور خواب کے جزیرے میں اک گھر تراشنا
آنکھوں کو میری آپ نے سونپا ہے خوب کام
جگنو اچھالنا کبھی گوہر تراشنا
پیشانیوں پہ لکھنا خود اپنا ہمیں نصیب
ہاتھوں سے اپنے اپنا مقدر تراشنا
پیہم سلگتی دھوپ میں جلنا تمام دن
شب بھر حسین خوابوں کے پیکر تراشنا
کیا خوب لطف دینے لگی خود اذیتی
اچھا لگا خود اپنا ہمیں سر تراشنا
لہجے کی نرمیوں سے قمرؔ میرا رابطہ
ان کو عزیز طنز کے نشتر تراشنا