मोहब्बत फूल भी है ख़ार भी है
ये वीराना भी है गुलज़ार भी है
फ़रोज़ाँ करके देखे शम-ए-दिल को
पतंगा पैकर-ए-अनवार भी है
कमाल-ए-आगही पर मरने वालो
कमाल-ए-आगही आज़ार भी है
तमाशा बन गया जिस का तहय्युर
नज़र वो लाएक़-ए-दीदार भी है
गो लाख आराम हो कुंज-ए-क़फ़स में
असीरी रूह का आज़ार भी है
यहाँ शाम-ओ-सहर बिकते हैं यूसुफ़
ये दुनिया मिस्र का बाज़ार भी है
जो दिल है ज़ामिन-ए-मेहर-ओ-मोहब्बत
वही दिल बानी-ए-पैकार भी है
वो 'साबिर' नाम है रिंदों में जिस का
सुना है महरम-ए-असरार भी है
mohabbat phuul bhī hai ḳhaar bhī hai
ye vīrāna bhī hai gulzār bhī hai
farozāñ karke dekhe sham-e-dil ko
patañgā paikar-e-anvār bhī hai
kamāl-e-āgahī par marne vaalo
kamāl-e-āgahī āzār bhī hai
tamāsha ban gayā jis kā tahayyur
nazar vo lā.eq-e-dīdār bhī hai
go laakh ārām ho kunj-e-qafas meñ
asīrī ruuh kā āzār bhī hai
yahāñ shām-o-sahar bikte haiñ yūsuf
ye duniyā misr kā bāzār bhī hai
jo dil hai zāmin-e-mehr-o-mohabbat
vahī dil bānī-e-paikār bhī hai
vo 'sābir' naam hai rindoñ meñ jis kā
sunā hai mahram-e-asrār bhī hai
محبت پھول بھی ہے خار بھی ہے
یہ ویرانہ بھی ہے گلزار بھی ہے
فروزاں کرکے دیکھے شمع دل کو
پتنگا پیکر انوار بھی ہے
کمال آگہی پر مرنے والو
کمال آگہی آزار بھی ہے
تماشہ بن گیا جس کا تحیر
نظر وہ لائق دیدار بھی ہے
گو لاکھ آرام ہو کنج قفس میں
اسیری روح کا آزار بھی ہے
یہاں شام و سحر بکتے ہیں یوسف
یہ دنیا مصر کا بازار بھی ہے
جو دل ہے ضامن مہر و محبت
وہی دل بانیٔ پیکار بھی ہے
وہ صابرؔ نام ہے رندوں میں جس کا
سنا ہے محرم اسرار بھی ہے