मिरे 'ऐबों की इस्लाहें हुआ कीं बहस-ए-दुश्मन से
लिया है राहबर का काम अक्सर मैं ने दुश्मन से
वो मोती हूँ जो खो जाता है साहिल में समुंदर के
वो दाना हूँ बिखर के दूर होता है जो ख़िर्मन से
फ़ज़ा सहरा की आँखों से जो देखें हैं वो कह देंगे
गुल-ए-ख़ुद-रौ का 'आलम कम नहीं गुल-हा-ए-गुलशन से
किसी की दोस्ती यूँ ख़ाक में कोई मिलाता है
मिरे बारे में तुम और मशवरे लेते हो दुश्मन से
तमाशा देखिए महशर में क़ातिल मुझ से लड़ता है
कि अपने ख़ून का धब्बा छुड़ा दे मेरे दामन से
ज़मीं से आसमाँ तक छा रही जो ये उदासी है
बगूला कोई उट्ठा है किसी बेकस के मदफ़न से
क़रीब-ए-दर पहुँच कर यूँ ग़श आने का सबब आख़िर
ये मुमकिन है झलक उस की नज़र आई हो चिलमन से
हर आफ़त से चमन महफ़ूज़ है अब तो ये सुनता हूँ
'अदावत बर्क़-ए-सरसर को थी मेरे ही नशेमन से
ग़रज़ क्या बहस-ओ-हुज्जत से हमारा तो ये मशरब है
जहाँ तक हो किनारे ही रहे शैख़-ओ-बरहमन से
'हफ़ीज़' उस को समझ ले ख़ूब हैं ये काम की बातें
अगर रिफ़अत-तलब है झुक के मिल हर दोस्त दुश्मन से
mire 'aiboñ kī islāheñ huā kiiñ bahas-e-dushman se
liyā hai rāhbar kā kaam aksar maiñ ne dushman se
vo motī huuñ jo kho jaatā hai sāhil meñ samundar ke
vo daana huuñ bikhar ke duur hotā hai jo ḳhirman se
fazā sahrā kī āñkhoñ se jo dekheñ haiñ vo kah deñge
gul-e-ḳhud-rau kā 'ālam kam nahīñ gul-hā-e-gulshan se
kisī kī dostī yuuñ ḳhaak meñ koī milātā hai
mire baare meñ tum aur mashvare lete ho dushman se
tamāshā dekhiye mahshar meñ qātil mujh se laḌtā hai
ki apne ḳhuun kā dhabba chhuḌā de mere dāman se
zamīñ se āsmāñ tak chhā rahī jo ye udāsī hai
bagūla koī uTThā hai kisī bekas ke madfan se
qarīb-e-dar pahuñch kar yuuñ ġhash aane kā sabab āḳhir
ye mumkin hai jhalak us kī nazar aa.ī ho chilman se
har aafat se chaman mahfūz hai ab to ye suntā huuñ
'adāvat barq-e-sarsar ko thī mere hī nasheman se
ġharaz kyā bahs-o-hujjat se hamārā to ye mashrab hai
jahāñ tak ho kināre hī rahe shaiḳh-o-barahman se
'hafīz' us ko samajh le ḳhuub haiñ ye kaam kī bāteñ
agar rif.at-talab hai jhuk ke mil har dost dushman se
مرے عیبوں کی اصلاحیں ہوا کیں بحث دشمن سے
لیا ہے راہبر کا کام اکثر میں نے دشمن سے
وہ موتی ہوں جو کھو جاتا ہے ساحل میں سمندر کے
وہ دانہ ہوں بکھر کے دور ہوتا ہے جو خرمن سے
فضا صحرا کی آنکھوں سے جو دیکھیں ہیں وہ کہہ دیں گے
گل خود رو کا عالم کم نہیں گلہائے گلشن سے
کسی کی دوستی یوں خاک میں کوئی ملاتا ہے
مرے بارے میں تم اور مشورے لیتے ہو دشمن سے
تماشا دیکھیے محشر میں قاتل مجھ سے لڑتا ہے
کہ اپنے خون کا دھبہ چھڑا دے میرے دامن سے
زمیں سے آسماں تک چھا رہی جو یہ اداسی ہے
بگولہ کوئی اٹھا ہے کسی بیکس کے مدفن سے
قریب در پہنچ کر یوں غش آنے کا سبب آخر
یہ ممکن ہے جھلک اس کی نظر آئی ہو چلمن سے
ہر آفت سے چمن محفوظ ہے اب تو یہ سنتا ہوں
عداوت برق صرصر کو تھی میرے ہی نشیمن سے
غرض کیا بحث و حجت سے ہمارا تو یہ مشرب ہے
جہاں تک ہو کنارے ہی رہے شیخ و برہمن سے
حفیظؔ اس کو سمجھ لے خوب ہیں یہ کام کی باتیں
اگر رفعت طلب ہے جھک کے مل ہر دوست دشمن سے