मैं क़ल्ब-ए-'इश्क़ हूँ वहशत का ख़ून खींचता हूँ
इधर उधर से मुसलसल जुनून खींचता हूँ
धकेलता हूँ बदन से धुएँ के साथ मलाल
मैं कश नहीं रग-ओ-पै में सुकून खींचता हूँ
कभी कभी किसी ठंडी सड़क पे रात गए
किसी की दी हुई जर्सी से ऊन खींचता हूँ
शदीद हब्स की ज़द में जब आए ख़ित्ता-ए-चश्म
तब इस ज़मीं की तरफ़ मानसून खींचता हूँ
किसी की याद से बोझल ये तीस भारी दिन
सभी गुज़ारते होंगे मैं जून खींचता हूँ
उदासियों की रगड़ से बना हूँ मक़्नातीस
सो ख़ुद में ग़म का बहुत लौह-चून खींचता हूँ
किसी सहारे की ख़्वाहिश के इस्ति'आरे हैं
ये काग़ज़ों पे जो अक्सर सुतून खींचता हूँ
कोई सितारा-बदन नाम पूछता है तो मैं
'उमैर' बोल के 'नजमी' का नून खींचता हूँ
maiñ qalb-e-'ishq huuñ vahshat kā ḳhuun khīñchtā huuñ
idhar udhar se musalsal junūn khīñchtā huuñ
dhakeltā huuñ badan se dhueñ ke saath malāl
maiñ kash nahīñ rag-o-pai meñ sukūn khīñchtā huuñ
kabhī kabhī kisī ThanDī saḌak pe raat ga.e
kisī kī dī huī jersey se uun khīñchtā huuñ
shadīd habs kī zad meñ jab aa.e ḳhitta-e-chashm
tab is zamīñ kī taraf monsōn khīñchtā huuñ
kisī kī yaad se bojhal ye tiis bhārī din
sabhī guzārte honge maiñ june khīñchtā huuñ
udāsiyoñ kī ragaḌ se banā huuñ maqnātīs
so ḳhud meñ ġham kā bahut lauh-chūn khīñchtā huuñ
kisī sahāre kī ḳhvāhish ke isti'āre haiñ
ye kāġhazoñ pe jo aksar sutūn khīñchtā huuñ
koī sitāra-badan naam pūchhtā hai to maiñ
'umair' bol ke 'najmī' kā nuun khīñchtā huuñ
میں قلب عشق ہوں وحشت کا خون کھینچتا ہوں
ادھر ادھر سے مسلسل جنون کھینچتا ہوں
دھکیلتا ہوں بدن سے دھوئیں کے ساتھ ملال
میں کش نہیں رگ و پے میں سکون کھینچتا ہوں
کبھی کبھی کسی ٹھنڈی سڑک پہ رات گئے
کسی کی دی ہوئی جرسی سے اون کھینچتا ہوں
شدید حبس کی زد میں جب آئے خطۂ چشم
تب اس زمیں کی طرف مانسون کھینچتا ہوں
کسی کی یاد سے بوجھل یہ تیس بھاری دن
سبھی گزارتے ہوں گے میں جون کھینچتا ہوں
اداسیوں کی رگڑ سے بنا ہوں مقناطیس
سو خود میں غم کا بہت لوح چون کھینچتا ہوں
کسی سہارے کی خواہش کے استعارے ہیں
یہ کاغذوں پہ جو اکثر ستون کھینچتا ہوں
کوئی ستارہ بدن نام پوچھتا ہے تو میں
عمیرؔ بول کے نجمیؔ کا نون کھینچتا ہوں