मैं ख़ुश नहीं हूँ मगर दो हज़ार दस तक था
मिरा किसी से त'अल्लुक़ उसी बरस तक था
'अजीब वक़्त प काटा था उस ने रब्त का पेड़
जब उस पे बीसियों फल थे फलों में रस तक था
मक़ाम-ए-वस्ल से आगे कोई सड़क ही नहीं
तो क्या जुनून का रस्ता फ़क़त हवस तक था
वो मिल गया है पर अब क्या करूँ तज़ब्ज़ुब है
मिरा गुमाँ तो फ़क़त उस पे दस्तरस तक था
खुली फ़ज़ा में वो डर था कि पर खुले ही नहीं
'अजब यक़ीन-ए-तहफ़्फ़ुज़ दर-ए-क़फ़स तक था
ये और बात कि फिर खुल गए सभी के लिए
तू दिल के बंद किवाड़ों पे पहली दस्तक था
बदन बना न सके कुछ अगरचे उन के पास
जुनूँ के रंग थे ख़ल्वत का कैनवस तक था
वो मुख़्तसर सी निशस्त इक तवील 'अर्से बा'द
मुकालिमा जो सुनो ठीक हो से बस तक था
maiñ ḳhush nahīñ huuñ magar do hazār das tak thā
mirā kisī se ta'alluq usī baras tak thā
'ajīb vaqt pa kaaTā thā us ne rabt kā peḌ
jab us pe bīsiyoñ phal the phaloñ meñ ras tak thā
maqām-e-vasl se aage koī saḌak hī nahīñ
to kyā junūn kā rasta faqat havas tak thā
vo mil gayā hai par ab kyā karūñ tazabzub hai
mirā gumāñ to faqat us pe dastaras tak thā
khulī fazā meñ vo Dar thā ki par khule hī nahīñ
'ajab yaqīn-e-tahaffuz dar-e-qafas tak thā
ye aur baat ki phir khul ga.e sabhī ke liye
tū dil ke band kivāḌoñ pe pahlī dastak thā
badan banā na sake kuchh agarche un ke paas
junūñ ke rang the ḳhalvat kā canvas tak thā
vo muḳhtasar sī nishast ik tavīl 'arse baa'd
mukālima jo suno Thiik ho se bas tak thā
میں خوش نہیں ہوں مگر دو ہزار دس تک تھا
مرا کسی سے تعلق اسی برس تک تھا
عجیب وقت پہ کاٹا تھا اس نے ربط کا پیڑ
جب اس پہ بیسیوں پھل تھے پھلوں میں رس تک تھا
مقام وصل سے آگے کوئی سڑک ہی نہیں
تو کیا جنون کا رستہ فقط ہوس تک تھا
وہ مل گیا ہے پر اب کیا کروں تذبذب ہے
مرا گماں تو فقط اس پہ دسترس تک تھا
کھلی فضا میں وہ ڈر تھا کہ پر کھلے ہی نہیں
عجب یقین تحفظ در قفس تک تھا
یہ اور بات کہ پھر کھل گئے سبھی کے لیے
تو دل کے بند کواڑوں پہ پہلی دستک تھا
بدن بنا نہ سکے کچھ اگرچہ ان کے پاس
جنوں کے رنگ تھے خلوت کا کینوس تک تھا
وہ مختصر سی نشست اک طویل عرصے بعد
مکالمہ جو سنو ٹھیک ہو سے بس تک تھا