क्या कशिश अल्लाह रे दुनिया-ए-आब-ओ-गिल में है
ता-अबद जीने की ख़्वाहिश हर बशर के दिल में है
बीत जाए क्या ख़ुदा जाने जहान-ए-शौक़ पर
वो तो कहिए लैला-ए-हुस्न-ए-अज़ल महमिल में है
कुछ हमीं पहचानते हैं रू-ए-ताबाँ को तिरे
ज़िक्र तेरे हुस्न का कहने को हर महफ़िल में है
काश ये खुल जाए तुझ पर ऐ असीर-ए-आब-ओ-गिल
इक सुरूर-ए-बे-कराँ तस्ख़ीर-ए-आब-ओ-गिल में है
कोई महरम ही नहीं जब राज़-हा-ए-इश्क़ का
हम किसी को क्या बताएँ क्या हमारे दिल में है
इश्क़ ने तय कर लिए हफ़्त-आसमाँ मुद्दत हुई
अक़्ल-ए-नादाँ गुम अभी तक जादा-ए-मंज़िल में है
रहज़न-ए-होश-ओ-ख़िरद है ये जहान-ए-रंग-ओ-बू
ख़ुद से बेगाना है 'साबिर' जो भी इस महफ़िल में है
kyā kashish allāh re duniyā-e-āb-o-gil meñ hai
tā-abad jiine kī ḳhvāhish har bashar ke dil meñ hai
biit jaa.e kyā ḳhudā jaane jahān-e-shauq par
vo to kahiye lailā-e-husn-e-azal mahmil meñ hai
kuchh hamīñ pahchānte haiñ rū-e-tābāñ ko tire
zikr tere husn kā kahne ko har mahfil meñ hai
kaash ye khul jaa.e tujh par ai asīr-e-āb-o-gil
ik surūr-e-be-karāñ tasḳhīr-e-āb-o-gil meñ hai
koī mahram hī nahīñ jab rāz-hā-e-ishq kā
ham kisī ko kyā batā.eñ kyā hamāre dil meñ hai
ishq ne tai kar liye haft-āsmāñ muddat huī
aql-e-nādāñ gum abhī tak jāda-e-manzil meñ hai
rahzan-e-hosh-o-ḳhirad hai ye jahān-e-rang-o-bū
ḳhud se begāna hai 'sābir' jo bhī is mahfil meñ hai
کیا کشش اللہ رے دنیائے آب و گل میں ہے
تا ابد جینے کی خواہش ہر بشر کے دل میں ہے
بیت جائے کیا خدا جانے جہان شوق پر
وہ تو کہیے لیلائے حسن ازل محمل میں ہے
کچھ ہمیں پہچانتے ہیں روئے تاباں کو ترے
ذکر تیرے حسن کا کہنے کو ہر محفل میں ہے
کاش یہ کھل جائے تجھ پر اے اسیر آب و گل
اک سرور بے کراں تسخیر آب و گل میں ہے
کوئی محرم ہی نہیں جب راز ہائے عشق کا
ہم کسی کو کیا بتائیں کیا ہمارے دل میں ہے
عشق نے طے کر لئے ہفت آسماں مدت ہوئی
عقل ناداں گم ابھی تک جادۂ منزل میں ہے
رہزن ہوش و خرد ہے یہ جہان رنگ و بو
خود سے بیگانہ ہے صابرؔ جو بھی اس محفل میں ہے