कुछ इस तरह से नज़र से गुज़र गया कोई
कि दिल को ग़म का सज़ा-वार कर गया कोई
दिल-ए-सितम-ज़दा को जैसे कुछ हुआ ही नहीं
ख़ुद अपने हुस्न से यूँ बे-ख़बर गया कोई
वो एक जल्वा-ए-सद-रंग इक हुजूम-ए-बहार
न जाने कौन था जाने किधर गया कोई
नज़र कि तिश्ना-ए-दीदार थी रही महरूम
नज़र उठाई तो दिल में उतर गया कोई
निगाह-ए-शौक़ की महरूमियों से ना-वाक़िफ़
निगाह-ए-शौक़ पे इल्ज़ाम धर गया कोई
अब उन के हुस्न में हुस्न-ए-नज़र भी शामिल है
कुछ और मेरी नज़र से सँवर गया कोई
किसी के पाँव की आहट कि दिल की धड़कन थी
हज़ार बार उठा सू-ए-दर गया कोई
नसीब-ए-अहल-ए-वफ़ा ये सुकून-ए-दिल तो न था
ज़रूर नाला-ए-दिल बे-असर गया कोई
उठा फिर आज मिरे दिल में रश्क का तूफ़ाँ
फिर उन की राह से बा-चश्म-ए-तर गया कोई
ये कह के याद करेंगे 'हफ़ीज़' दोस्त मुझे
वफ़ा की रस्म को पाइंदा कर गया कोई
kuchh is tarah se nazar se guzar gayā koī
ki dil ko ġham kā sazā-vār kar gayā koī
dil-e-sitam-zada ko jaise kuchh huā hī nahīñ
ḳhud apne husn se yuuñ be-ḳhabar gayā koī
vo ek jalva-e-sad-rang ik hujūm-e-bahār
na jaane kaun thā jaane kidhar gayā koī
nazar ki tishna-e-dīdār thī rahī mahrūm
nazar uThā.ī to dil meñ utar gayā koī
nigāh-e-shauq kī mahrūmiyoñ se nā-vāqif
nigāh-e-shauq pe ilzām dhar gayā koī
ab un ke husn meñ husn-e-nazar bhī shāmil hai
kuchh aur merī nazar se sañvar gayā koī
kisī ke paañv kī aahaT ki dil kī dhaḌkan thī
hazār baar uThā sū-e-dar gayā koī
nasīb-e-ahl-e-vafā ye sukūn-e-dil to na thā
zarūr nāla-e-dil be-asar gayā koī
uThā phir aaj mire dil meñ rashk kā tūfāñ
phir un kī raah se bā-chashm-e-tar gayā koī
ye kah ke yaad kareñge 'hafīz' dost mujhe
vafā kī rasm ko pā.inda kar gayā koī
کچھ اس طرح سے نظر سے گزر گیا کوئی
کہ دل کو غم کا سزاوار کر گیا کوئی
دل ستم زدہ کو جیسے کچھ ہوا ہی نہیں
خود اپنے حسن سے یوں بے خبر گیا کوئی
وہ ایک جلوۂ صد رنگ اک ہجوم بہار
نہ جانے کون تھا جانے کدھر گیا کوئی
نظر کہ تشنۂ دیدار تھی رہی محروم
نظر اٹھائی تو دل میں اتر گیا کوئی
نگاہ شوق کی محرومیوں سے ناواقف
نگاہ شوق پہ الزام دھر گیا کوئی
اب ان کے حسن میں حسن نظر بھی شامل ہے
کچھ اور میری نظر سے سنور گیا کوئی
کسی کے پاؤں کی آہٹ کہ دل کی دھڑکن تھی
ہزار بار اٹھا سوئے در گیا کوئی
نصیب اہل وفا یہ سکون دل تو نہ تھا
ضرور نالۂ دل بے اثر گیا کوئی
اٹھا پھر آج مرے دل میں رشک کا طوفاں
پھر ان کی راہ سے با چشم تر گیا کوئی
یہ کہہ کے یاد کریں گے حفیظؔ دوست مجھے
وفا کی رسم کو پایندہ کر گیا کوئی