कुछ आता जाता नहीं था मुझे सिवाए जुनूँ
सो वक़्त वक़्फ़ किया सब का सब बरा-ए-जुनूँ
ये मेरा ख़ाका है बचपन का वो लड़कपन का
ये इब्तिदा-ए-जुनूँ थी वो इंतिहा-ए-जुनूँ
शब-ए-शु'ऊर में दो नूर 'मीर' और 'मंसूर'
है इक ख़ुदा-ए-सुख़न दूसरा ख़ुदा-ए-जुनूँ
ख़ुदा का शुक्र मिरे गिर्द था ख़ला का हिसार
लगी तो कान तक आई नहीं सदा-ए-जुनूँ
हमारा जुर्म तफ़क्कुर था आगही थी गवाह
नतीजतन हमें दे दी गई सज़ा-ए-जुनूँ
बस एहतियाती तदाबीर पर 'अमल है 'इलाज
कि दस्तयाब नहीं है अभी दवा-ए-जुनूँ
मुझे जुनूँ का पता है ये वैसा कुछ भी नहीं
तिरे लिए तो है कुछ दिल में मावरा-ए-जुनूँ
उसे बदन नज़र आता था और ख़ाक मुझे
वो मुब्तला-ए-हवस था मैं मुब्तला-ए-जुनूँ
ये सुर्ख़ आँख हरे ज़ख़्म ज़र्द हाथ 'उमैर'
मिरे बदन पे नुमायाँ हैं रंग-हा-ए-जुनूँ
kuchh aatā jaatā nahīñ thā mujhe sivā.e junūñ
so vaqt vaqf kiyā sab kā sab barā-e-junūñ
ye merā ḳhāka hai bachpan kā vo laḌakpan kā
ye ibtidā-e-junūñ thī vo intihā-e-junūñ
shab-e-shu'ūr meñ do nuur 'mīr' aur 'mansūr'
hai ik ḳhudā-e-suḳhan dūsrā ḳhudā-e-junūñ
ḳhudā kā shukr mire gird thā ḳhalā kā hisār
lagī to kaan tak aa.ī nahīñ sadā-e-junūñ
hamārā jurm tafakkur thā āgahī thī gavāh
natījatan hameñ de dī ga.ī sazā-e-junūñ
bas ehtiyātī tadābīr par 'amal hai 'ilāj
ki dastyāb nahīñ hai abhī davā-e-junūñ
mujhe junūñ kā pata hai ye vaisā kuchh bhī nahīñ
tire liye to hai kuchh dil meñ māvarā-e-junūñ
use badan nazar aatā thā aur ḳhaak mujhe
vo mubtalā-e-havas thā maiñ mubtalā-e-junūñ
ye surḳh aañkh hare zaḳhm zard haath 'umair'
mire badan pe numāyāñ haiñ rang-hā-e-junūñ
کچھ آتا جاتا نہیں تھا مجھے سوائے جنوں
سو وقت وقف کیا سب کا سب برائے جنوں
یہ میرا خاکہ ہے بچپن کا وہ لڑکپن کا
یہ ابتدائے جنوں تھی وہ انتہائے جنوں
شب شعور میں دو نور میرؔ اور منصورؔ
ہے اک خدائے سخن دوسرا خدائے جنوں
خدا کا شکر مرے گرد تھا خلا کا حصار
لگی تو کان تک آئی نہیں صدائے جنوں
ہمارا جرم تفکر تھا آگہی تھی گواہ
نتیجتاً ہمیں دے دی گئی سزائے جنوں
بس احتیاطی تدابیر پر عمل ہے علاج
کہ دستیاب نہیں ہے ابھی دوائے جنوں
مجھے جنوں کا پتہ ہے یہ ویسا کچھ بھی نہیں
ترے لیے تو ہے کچھ دل میں ماورائے جنوں
اسے بدن نظر آتا تھا اور خاک مجھے
وہ مبتلائے ہوس تھا میں مبتلائے جنوں
یہ سرخ آنکھ ہرے زخم زرد ہاتھ عمیرؔ
مرے بدن پہ نمایاں ہیں رنگ ہائے جنوں