कोई पयाम-ए-मुसलसल है शोर-ए-दरिया भी
तही-सुख़न से नहीं है सुकूत-ए-सहरा भी
फ़ज़ा-ए-दश्त में अहल-ए-जुनूँ के हंगामे
हमें तो रास न आई मगर ये दुनिया भी
ज़मीन-ए-तिश्ना-ए-दहन की सदा तो आई थी
मगर ये बात कि अब्र-ए-बहार बरसा भी
ये बू-ए-गुल भी परेशाँ बहुत हुई लेकिन
बहुत हुआ मिरी आवारगी का चर्चा भी
किया है फ़त्ह कोई लम्हा-ए-वफ़ा जब से
मिरी गिरफ़्त में इमरोज़ भी है फ़र्दा भी
अभी तो तिश्ना-लबी के सुरूर में गुम हैं
हम अहल-ए-ज़र्फ़ करेंगे कभी तक़ाज़ा भी
जहाँ को देखने वाली हज़ार आँखें हैं
इन्हीं में होगी कहीं कोई चश्म-ए-बीना भी
जो बे-हुनर हैं वो शाइस्ता-ए-गुनाह नहीं
गुनाह करने में इक शर्त है सलीक़ा भी
अजीब आलम-ए-बेगांगी में आ निकले
गराँ गुज़रती है दिल पर तिरी तमन्ना भी
जो मिल रहा था ब-ज़ाहिर बड़े ख़ुलूस के साथ
जनाब-ए-'लैस' ने उस आदमी को समझा भी
koī payām-e-musalsal hai shor-e-dariyā bhī
tahī-suḳhan se nahīñ hai sukūt-e-sahrā bhī
fazā-e-dasht meñ ahl-e-junūñ ke hañgāme
hameñ to raas na aa.ī magar ye duniyā bhī
zamīn-e-tishna-dahan kī sadā to aa.ī thī
magar ye baat ki abr-e-bahār barsā bhī
ye bū-e-gul bhī pareshāñ bahut huī lekin
bahut huā mirī āvārgī kā charchā bhī
kiyā hai fat.h koī lamha-e-vafā jab se
mirī giraft meñ imroz bhī hai fardā bhī
abhī to tishna-labī ke surūr meñ gum haiñ
ham ahl-e-zarf kareñge kabhī taqāza bhī
jahāñ ko dekhne vaalī hazār āñkheñ haiñ
inhīñ meñ hogī kahīñ koī chashm-e-bīnā bhī
jo be-hunar haiñ vo shā.ista-e-gunāh nahīñ
gunāh karne meñ ik shart hai salīqa bhī
ajiib ālam-e-begāñgī meñ aa nikle
garāñ guzartī hai dil par tirī tamannā bhī
jo mil rahā thā ba-zāhir baḌe ḳhulūs ke saath
janāb-e-'lais' ne us aadmī ko samjhā bhī
کوئی پیام مسلسل ہے شور دریا بھی
تہی سخن سے نہیں ہے سکوت صحرا بھی
فضائے دشت میں اہل جنوں کے ہنگامے
ہمیں تو راس نہ آئی مگر یہ دنیا بھی
زمین تشنہ دہن کی صدا تو آئی تھی
مگر یہ بات کہ ابر بہار برسا بھی
یہ بوئے گل بھی پریشاں بہت ہوئی لیکن
بہت ہوا مری آوارگی کا چرچا بھی
کیا ہے فتح کوئی لمحۂ وفا جب سے
مری گرفت میں امروز بھی ہے فردا بھی
ابھی تو تشنہ لبی کے سرور میں گم ہیں
ہم اہل ظرف کریں گے کبھی تقاضہ بھی
جہاں کو دیکھنے والی ہزار آنکھیں ہیں
انہیں میں ہوگی کہیں کوئی چشم بینا بھی
جو بے ہنر ہیں وہ شائستۂ گناہ نہیں
گناہ کرنے میں اک شرط ہے سلیقہ بھی
عجیب عالم بیگانگی میں آ نکلے
گراں گزرتی ہے دل پر تری تمنا بھی
جو مل رہا تھا بظاہر بڑے خلوص کے ساتھ
جناب لیثؔ نے اس آدمی کو سمجھا بھی