किसी को देख कर बे-ख़ुद दिल-ए-काम हो जाना
उसी को लोग कहते हैं ख़याल-ए-ख़ाम हो जाना
मोहब्बत से जो पेश आए कोई हो दोस्त या दुश्मन
हमें तो हर किसी का बंदा-ए-बे-दाम हो जाना
ख़ुदा जाने कि क्या होता मआल अपनी मोहब्बत का
बहुत अच्छा हुआ आग़ाज़ में अंजाम हो जाना
मिटाना हो अगर धब्बा रिया-कारी का ऐ ज़ाहिद
किसी की बज़्म में इक दिन शरीक-ए-जाम हो जाना
जहाँ देखो वहाँ कुछ ज़िक्र है अपनी मोहब्बत का
बुरा है आदमी के वास्ते बदनाम हो जाना
करेगा रख़्ना पैदा कोई दिन दरबाँ का हंगामा
क़यामत है तिरे दर पर हुजूम-ए-आम हो जाना
'हफ़ीज़' ऐसे मुसलमाँ का भी कोई दीन-ओ-मज़हब है
बुतों की दोस्ती में तारिक-ए-इस्लाम हो जाना
kisī ko dekh kar be-ḳhud dil-e-kām ho jaanā
usī ko log kahte haiñ ḳhayāl-e-ḳhām ho jaanā
mohabbat se jo pesh aa.e koī ho dost yā dushman
hameñ to har kisī kā banda-e-be-dām ho jaanā
ḳhudā jaane ki kyā hotā ma.aal apnī mohabbat kā
bahut achchhā huā āġhāz meñ anjām ho jaanā
miTānā ho agar dhabbā riyā-kārī kā ai zāhid
kisī kī bazm meñ ik din sharīk-e-jām ho jaanā
jahāñ dekho vahāñ kuchh zikr hai apnī mohabbat kā
burā hai aadmī ke vāste badnām ho jaanā
karegā raḳhna paidā koī din darbāñ kā hañgāma
qayāmat hai tire dar par hujūm-e-ām ho jaanā
'hafīz' aise musalmāñ kā bhī koī dīn-o-maz.hab hai
butoñ kī dostī meñ tārik-e-islām ho jaanā
کسی کو دیکھ کر بے خود دل کام ہو جانا
اسی کو لوگ کہتے ہیں خیال خام ہو جانا
محبت سے جو پیش آئے کوئی ہو دوست یا دشمن
ہمیں تو ہر کسی کا بندۂ بے دام ہو جانا
خدا جانے کہ کیا ہوتا مآل اپنی محبت کا
بہت اچھا ہوا آغاز میں انجام ہو جانا
مٹانا ہو اگر دھبا ریا کاری کا اے زاہد
کسی کی بزم میں اک دن شریک جام ہو جانا
جہاں دیکھو وہاں کچھ ذکر ہے اپنی محبت کا
برا ہے آدمی کے واسطے بدنام ہو جانا
کرے گا رخنہ پیدا کوئی دن درباں کا ہنگامہ
قیامت ہے ترے در پر ہجوم عام ہو جانا
حفیظؔ ایسے مسلماں کا بھی کوئی دین و مذہب ہے
بتوں کی دوستی میں تارک اسلام ہو جانا