किस सफ़र में हैं कि अब तक रास्ते नादीदा हैं
आसमाँ पे शमएँ रौशन हैं मगर ख़्वाबीदा हैं
कितनी नम है आँसुओं से ये सनम-ख़ाने की ख़ाक
ये तवाफ़-ए-गुल के लम्हे कितने आतिश-दीदा हैं
ये गुलिस्ताँ है कि चलते हैं तमन्नाओं के ख़्वाब
ये हवा है या बयाबाँ के क़दम लर्ज़ीदा हैं
एक बस्ती 'इश्क़ की आबाद है दिल के क़रीब
लेकिन इस बस्ती के रस्ते किस क़दर पेचीदा हैं
आज भी हर फूल में बू-ए-वफ़ा आवारा है
आज भी हर ज़ख़्म में तेरे करम पोशीदा हैं
आज घर के आइने में सुब्ह से इक शख़्स है
और खिड़की में सितारे शाम से पेचीदा हैं
रहगुज़र कहती है जाग ऐ माहताब-ए-शाम-ए-यार
हम सर-ए-बाज़ार चलते हैं मगर ख़्वाबीदा हैं
आइने में किस की आँखें देखता हूँ मैं 'जमील'
दो कँवल हैं बीच पानी में मगर नम-दीदा हैं
kis safar meñ haiñ ki ab tak rāste nādīda haiñ
āsmāñ pe sham.eñ raushan haiñ magar ḳhvābīda haiñ
kitnī nam hai āñsuoñ se ye sanam-ḳhāne kī ḳhaak
ye tavāf-e-gul ke lamhe kitne ātish-dīda haiñ
ye gulistāñ hai ki chalte haiñ tamannāoñ ke ḳhvāb
ye havā hai yā bayābāñ ke qadam larzīda haiñ
ek bastī 'ishq kī ābād hai dil ke qarīb
lekin is bastī ke raste kis qadar pechīda haiñ
aaj bhī har phuul meñ bū-e-vafā āvāra hai
aaj bhī har zaḳhm meñ tere karam poshīda haiñ
aaj ghar ke aa.ine meñ sub.h se ik shaḳhs hai
aur khiḌkī meñ sitāre shaam se pechīda haiñ
rahguzar kahtī hai jaag ai māhtāb-e-shām-e-yār
ham sar-e-bāzār chalte haiñ magar ḳhvābīda haiñ
aa.ine meñ kis kī āñkheñ dekhtā huuñ maiñ 'jamīl'
do kañval haiñ biich paanī meñ magar nam-dīda haiñ
کس سفر میں ہیں کہ اب تک راستے نادیدہ ہیں
آسماں پہ شمعیں روشن ہیں مگر خوابیدہ ہیں
کتنی نم ہے آنسوؤں سے یہ صنم خانے کی خاک
یہ طواف گل کے لمحے کتنے آتش دیدہ ہیں
یہ گلستاں ہے کہ چلتے ہیں تمناؤں کے خواب
یہ ہوا ہے یا بیاباں کے قدم لرزیدہ ہیں
ایک بستی عشق کی آباد ہے دل کے قریب
لیکن اس بستی کے رستے کس قدر پیچیدہ ہیں
آج بھی ہر پھول میں بوئے وفا آوارہ ہے
آج بھی ہر زخم میں تیرے کرم پوشیدہ ہیں
آج گھر کے آئنے میں صبح سے اک شخص ہے
اور کھڑکی میں ستارے شام سے پیچیدہ ہیں
رہ گزر کہتی ہے جاگ اے ماہتاب شام یار
ہم سر بازار چلتے ہیں مگر خوابیدہ ہیں
آئنے میں کس کی آنکھیں دیکھتا ہوں میں جمیلؔ
دو کنول ہیں بیچ پانی میں مگر نم دیدہ ہیں