ख़ून से छानी हुई और जिस्म से फटकी हुई
ढूँढ़ लाया हूँ उदासी क़ैस की पटकी हुई
तंगी-ए-फ़ुर्क़त में इतना तंग था अपना बदन
वस्ल के माहौल में भी बात झंझट की हुई
जिस तरफ़ भी मुँह किया थी उस तरफ़ अपनी शिकस्त
आइने में 'ऐब था या आँख थी चटकी हुई
हल्के हल्के हाथ से काटा गया अपना गला
तेज़ चाक़ू बन गई थी ज़िंदगी झटकी हुई
खुल गया दर और फिर ज़ाहिर हुआ अन्दर का हाल
कितनी बदनामी हवा आने से चौखट की हुई
रात होते ही कई आँखों भरी 'औरत की रूह
घूरने लगती है मुझ को बाम से लटकी हुई
लौट आए हैं परिंदे दश्त में भटके हुए
लौट आई है उदासी ज़ह्न में भटकी हुई
'गौतम'-ए-ख़ामोश तुम को कुछ सुना आया तो क्या
एक मुद्दत से गले में फाँस थी अटकी हुई
ḳhuun se chhānī huī aur jism se phaTkī huī
DhūñD laayā huuñ udāsī qais kī paTkī huī
tangī-e-furqat meñ itnā tang thā apnā badan
vasl ke māhaul meñ bhī baat jhanjhaT kī huī
jis taraf bhī muñh kiyā thī us taraf apnī shikast
aa.ine meñ 'aib thā yā aañkh thī chaTkī huī
halke halke haath se kaaTā gayā apnā galā
tez chāqū ban ga.ī thī zindagī jhaTkī huī
khul gayā dar aur phir zāhir huā andar kā haal
kitnī badnāmī havā aane se chaukhaT kī huī
raat hote hī ka.ī āñkhoñ bharī 'aurat kī ruuh
ghūrne lagtī hai mujh ko baam se laTkī huī
lauT aa.e haiñ parinde dasht meñ bhaTke hue
lauT aa.ī hai udāsī zehn meñ bhaTkī huī
'gautam'-e-ḳhāmosh tum ko kuchh sunā aayā to kyā
ek muddat se gale meñ phāñs thī aTkī huī
خون سے چھانی ہوئی اور جسم سے پھٹکی ہوئی
ڈھونڈ لایا ہوں اداسی قیس کی پٹکی ہوئی
تنگیٔ فرقت میں اتنا تنگ تھا اپنا بدن
وصل کے ماحول میں بھی بات جھنجھٹ کی ہوئی
جس طرف بھی منہ کیا تھی اس طرف اپنی شکست
آئنے میں عیب تھا یا آنکھ تھی چٹکی ہوئی
ہلکے ہلکے ہاتھ سے کاٹا گیا اپنا گلا
تیز چاقو بن گئی تھی زندگی جھٹکی ہوئی
کھل گیا در اور پھر ظاہر ہوا اندر کا حال
کتنی بدنامی ہوا آنے سے چوکھٹ کی ہوئی
رات ہوتے ہی کئی آنکھوں بھری عورت کی روح
گھورنے لگتی ہے مجھ کو بام سے لٹکی ہوئی
لوٹ آئے ہیں پرندے دشت میں بھٹکے ہوئے
لوٹ آئی ہے اداسی ذہن میں بھٹکی ہوئی
گوتمؔ خاموش تم کو کچھ سنا آیا تو کیا
ایک مدت سے گلے میں پھانس تھی اٹکی ہوئی