खेल दोनों का चले तीन का दाना न पड़े
सीढ़ियाँ आती रहें साँप का ख़ाना न पड़े
देख मे'मार परिंदे भी रहें घर भी बने
नक़्शा ऐसा हो कोई पेड़ गिराना न पड़े
मेरे होंटों पे किसी लम्स की ख़्वाहिश है शदीद
ऐसा कुछ कर मुझे सिगरेट को जलाना न पड़े
इस तअल्लुक़ से निकलने का कोई रास्ता दे
इस पहाड़ी पे भी बारूद लगाना न पड़े
नम की तर्सील से आँखों की हरारत कम हो
सर्द-ख़ानों में कोई ख़्वाब पुराना न पड़े
रब्त की ख़ैर है बस तेरी अना बच जाए
इस तरह जा कि तुझे लौट के आना न पड़े
हिज्र ऐसा हो कि चेहरे पे नज़र आ जाए
ज़ख़्म ऐसा हो कि दिख जाए दिखाना न पड़े
khel donoñ kā chale tiin kā daana na paḌe
sīḌhiyāñ aatī raheñ saañp kā ḳhāna na paḌe
dekh me.amār parinde bhī raheñ ghar bhī bane
naqsha aisā ho koī peḌ girānā na paḌe
mere hoñToñ pe kisī lams kī ḳhvāhish hai shadīd
aisā kuchh kar mujhe cigarette ko jalānā na paḌe
is ta'alluq se nikalne kā koī rāsta de
is pahāḌī pe bhī bārūd lagānā na paḌe
nam kī tarsīl se āñkhoñ kī harārat kam ho
sard-ḳhānoñ meñ koī ḳhvāb purānā na paḌe
rabt kī ḳhair hai bas terī anā bach jaa.e
is tarah jā ki tujhe lauT ke aanā na paḌe
hijr aisā ho ki chehre pe nazar aa jaa.e
zaḳhm aisā ho ki dikh jaa.e dikhānā na paḌe
کھیل دونوں کا چلے تین کا دانہ نہ پڑے
سیڑھیاں آتی رہیں سانپ کا خانہ نہ پڑے
دیکھ معمار پرندے بھی رہیں گھر بھی بنے
نقشہ ایسا ہو کوئی پیڑ گرانا نہ پڑے
میرے ہونٹوں پہ کسی لمس کی خواہش ہے شدید
ایسا کچھ کر مجھے سگریٹ کو جلانا نہ پڑے
اس تعلق سے نکلنے کا کوئی راستہ دے
اس پہاڑی پہ بھی بارود لگانا نہ پڑے
نم کی ترسیل سے آنکھوں کی حرارت کم ہو
سرد خانوں میں کوئی خواب پرانا نہ پڑے
ربط کی خیر ہے بس تیری انا بچ جائے
اس طرح جا کہ تجھے لوٹ کے آنا نہ پڑے
ہجر ایسا ہو کہ چہرے پہ نظر آ جائے
زخم ایسا ہو کہ دکھ جائے دکھانا نہ پڑے