ख़बर है महरूमियों से आगे निकल चुका है
फ़क़ीर वीरानियों से आगे निकल चुका है
हमें ये ताकीद की गई है कि हँसते रहिए
सो क़हक़हा सिसकियों से आगे निकल चुका है
ये किस तआ'क़ुब में बुझ रही हैं हमारी आँखें
ये कौन बीनाइयों से आगे निकल चुका है
मक़ाम-ए-हैरत पे अक़्ल पहुँची खुला मुअ'म्मा
क़यास हैरानियों से आगे निकल चुका है
हवास महलों में आज क़िंदील जल बुझी हैं
प इक दिया आँधियों से आगे निकल चुका है
ऐ शो'बदा-गर ख़बर है तुझ को कि शो'बदा-बीं
तिरे तमाशाइयों से आगे निकल चुका है
तबीब आब-ए-हयात लाए हैं कासा भर लो
मरीज़ आसानियों से आगे निकल चुका है
क़फ़स में रह कर लगा है जी ऐसे बेड़ियों से
असीर आज़ादीयों से आगे निकल चुका है
बयान के जंगलों में जिस को तलाशते हो
वो ज़ब्त की वादियों से आगे निकल चुका है
सुख़न-सलाख़ें भी ज़ंग-आलूद हो चुकी हैं
शुऊ'र भी क़ाफ़ियों से आगे निकल चुका है
फ़ना की बै'अत में आ चुका है जुनून-ए-'जानी'
बक़ा के अब ज़ावियों से आगे निकल चुका है
ḳhabar hai mahrūmiyoñ se aage nikal chukā hai
faqīr vīrāniyoñ se aage nikal chukā hai
hameñ ye tākīd kī ga.ī hai ki hañste rahiye
so qahqaha siskiyoñ se aage nikal chukā hai
ye kis ta.āqub meñ bujh rahī haiñ hamārī āñkheñ
ye kaun bīnā.iyoñ se aage nikal chukā hai
maqām-e-hairat pe aql pahuñchī khulā muamma
qayās hairāniyoñ se aage nikal chukā hai
havās mahloñ meñ aaj qindīl jal bujhī haiñ
pa ik diyā āñdhiyoñ se aage nikal chukā hai
ai sho.abda-gar ḳhabar hai tujh ko ki sho.abada-bīñ
tire tamāshā.iyoñ se aage nikal chukā hai
tabīb āb-e-hayāt laa.e haiñ kaasa bhar lo
marīz āsāniyoñ se aage nikal chukā hai
qafas meñ rah kar lagā hai jī aise beḌiyoñ se
asiir āzadiyoñ se aage nikal chukā hai
bayān ke jangaloñ meñ jis ko talāshte ho
vo zabt kī vādiyoñ se aage nikal chukā hai
suḳhan-salāḳheñ bhī zang-ālūd ho chukī haiñ
shu.ūr bhī qāfiyoñ se aage nikal chukā hai
fanā kī bai'at meñ aa chukā hai junūn-e-'jānī'
baqā ke ab zāviyoñ se aage nikal chukā hai
خبر ہے محرومیوں سے آگے نکل چکا ہے
فقیر ویرانیوں سے آگے نکل چکا ہے
ہمیں یہ تاکید کی گئی ہے کہ ہنستے رہئے
سو قہقہہ سسکیوں سے آگے نکل چکا ہے
یہ کس تعاقب میں بجھ رہی ہیں ہماری آنکھیں
یہ کون بینائیوں سے آگے نکل چکا ہے
مقام حیرت پہ عقل پہنچی کھلا معمہ
قیاس حیرانیوں سے آگے نکل چکا ہے
حواس محلوں میں آج قندیل جل بجھی ہیں
پہ اک دیا آندھیوں سے آگے نکل چکا ہے
اے شعبدہ گر خبر ہے تجھ کو کہ شعبدہ بیں
ترے تماشائیوں سے آگے نکل چکا ہے
طبیب آب حیات لائے ہیں کاسہ بھر لو
مریض آسانیوں سے آگے نکل چکا ہے
قفس میں رہ کر لگا ہے جی ایسے بیڑیوں سے
اسیر آزادیوں سے آگے نکل چکا ہے
بیان کے جنگلوں میں جس کو تلاشتے ہو
وہ ضبط کی وادیوں سے آگے نکل چکا ہے
سخن سلاخیں بھی زنگ آلود ہو چکی ہیں
شعور بھی قافیوں سے آگے نکل چکا ہے
فنا کی بیعت میں آ چکا ہے جنون جانیؔ
بقا کے اب زاویوں سے آگے نکل چکا ہے