करना जो मोहब्बत का इक़रार समझ लेना
इक बार नहीं उस को सौ बार समझ लेना
हम हों कि अदू उस में जो ज़ुल्म का शाकी हो
करता ही नहीं तुम को वो प्यार समझ लेना
मर जाए मगर जाना उस की न अयादत को
तुम जिस को मोहब्बत का बीमार समझ लेना
बन बन के बिगड़ता है वो काम मोहब्बत में
आसान नहीं जिस को दुश्वार समझ लेना
ग़फ़लत-कदा-ए-हस्ती जब कहते हैं आलम को
सौदा है फिर अपने को हुशियार समझ लेना
महफ़िल में रक़ीबों की जाना है अगर तुम को
सूरत से मुझे अपनी बेज़ार समझ लेना
दिल पर तो लगाते हो तुम तीर-ए-नज़र लेकिन
आहों को हमारी भी तलवार समझ लेना
छेड़ा जो मिरे आगे फिर तज़किरा-ए-दुश्मन
रक्खी हुई है मुझ से तकरार समझ लेना
पोशीदा 'हफ़ीज़' इस में असरार-ए-मोहब्बत हैं
आसान नहीं मेरे अशआ'र समझ लेना
karnā jo mohabbat kā iqrār samajh lenā
ik baar nahīñ us ko sau baar samajh lenā
ham hoñ ki adū us meñ jo zulm kā shākī ho
kartā hī nahīñ tum ko vo pyaar samajh lenā
mar jaa.e magar jaanā us kī na ayādat ko
tum jis ko mohabbat kā bīmār samajh lenā
ban ban ke bigaḌtā hai vo kaam mohabbat meñ
āsān nahīñ jis ko dushvār samajh lenā
ġhaflat-kada-e-hastī jab kahte haiñ aalam ko
saudā hai phir apne ko hushiyār samajh lenā
mahfil meñ raqīboñ kī jaanā hai agar tum ko
sūrat se mujhe apnī bezār samajh lenā
dil par to lagāte ho tum tīr-e-nazar lekin
aahoñ ko hamārī bhī talvār samajh lenā
chheḌā jo mire aage phir tazkira-e-dushman
rakkhī huī hai mujh se takrār samajh lenā
poshīda 'hafīz' is meñ asrār-e-mohabbat haiñ
āsān nahīñ mere ash.ār samajh lenā
کرنا جو محبت کا اقرار سمجھ لینا
اک بار نہیں اس کو سو بار سمجھ لینا
ہم ہوں کہ عدو اس میں جو ظلم کا شاکی ہو
کرتا ہی نہیں تم کو وہ پیار سمجھ لینا
مر جائے مگر جانا اس کی نہ عیادت کو
تم جس کو محبت کا بیمار سمجھ لینا
بن بن کے بگڑتا ہے وہ کام محبت میں
آسان نہیں جس کو دشوار سمجھ لینا
غفلت کدۂ ہستی جب کہتے ہیں عالم کو
سودا ہے پھر اپنے کو ہشیار سمجھ لینا
محفل میں رقیبوں کی جانا ہے اگر تم کو
صورت سے مجھے اپنی بیزار سمجھ لینا
دل پر تو لگاتے ہو تم تیر نظر لیکن
آہوں کو ہماری بھی تلوار سمجھ لینا
چھیڑا جو مرے آگے پھر تذکرۂ دشمن
رکھی ہوئی ہے مجھ سے تکرار سمجھ لینا
پوشیدہ حفیظؔ اس میں اسرار محبت ہیں
آسان نہیں میرے اشعار سمجھ لینا