कहो दैर-ओ-हरम या नाम अपना आस्ताँ रख दो
सर-ए-तस्लीम ख़म है तुम जहाँ चाहो वहाँ रख दो
घटा कर क़ैद-ए-आज़ादी बढ़ा दो ग़म असीरी का
क़फ़स को आशियाँ में या क़फ़स में आशियाँ रख दो
तसल्ली देने वालो हम तही-दस्तान-ए-क़िस्मत हैं
सर-ए-दामन जो मुमकिन हो तो दिल की धज्जियाँ रख दो
ज़रूरत जान की दिल को मैं बे-परवा-ए-हस्ती हूँ
जहाँ दिल है वहीं अब मेरी जान-ए-ना-तवाँ रख दो
ख़ुदा कहलाओ या कुछ और सब कुछ मुझ को कहना है
इधर आओ मिरे मुँह में तुम्हीं अपनी ज़बाँ रख दो
वफ़ा का राज़ इस मजमे' में खोला जा नहीं सकता
सिवा महशर के कोई और रोज़-ए-इम्तिहाँ रख दो
मोहब्बत और तसल्ली उस पे होश-ए-ज़िंदगी 'कैफ़ी'
नहीं उठता अगर काँधे से ये बार-ए-गराँ रख दो
kaho dair-o-haram yā naam apnā āstāñ rakh do
sar-e-taslīm ḳham hai tum jahāñ chāho vahāñ rakh do
ghaTā kar qaid-e-āzādī baḌhā do ġham asīrī kā
qafas ko āshiyāñ meñ yā qafas meñ āshiyāñ rakh do
tasallī dene vaalo ham tahī-dastān-e-qismat haiñ
sar-e-dāman jo mumkin ho to dil kī dhajjiyāñ rakh do
zarūrat jaan kī dil ko maiñ be-parvā-e-hastī huuñ
jahāñ dil hai vahīñ ab merī jān-e-nā-tavāñ rakh do
ḳhudā kahlāo yā kuchh aur sab kuchh mujh ko kahnā hai
idhar aao mire muñh meñ tumhīñ apnī zabāñ rakh do
vafā kā raaz is majme.a meñ kholā jā nahīñ saktā
sivā mahshar ke koī aur roz-e-imtihāñ rakh do
mohabbat aur tasallī us pe hosh-e-zindagī 'kaifī'
nahīñ uThtā agar kāñdhe se ye bār-e-garāñ rakh do
کہو دیر و حرم یا نام اپنا آستاں رکھ دو
سر تسلیم خم ہے تم جہاں چاہو وہاں رکھ دو
گھٹا کر قید آزادی بڑھا دو غم اسیری کا
قفس کو آشیاں میں یا قفس میں آشیاں رکھ دو
تسلی دینے والو ہم تہی دستان قسمت ہیں
سر دامن جو ممکن ہو تو دل کی دھجیاں رکھ دو
ضرورت جان کی دل کو میں بے پروائے ہستی ہوں
جہاں دل ہے وہیں اب میری جان ناتواں رکھ دو
خدا کہلاؤ یا کچھ اور سب کچھ مجھ کو کہنا ہے
ادھر آؤ مرے منہ میں تمہیں اپنی زباں رکھ دو
وفا کا راز اس مجمع میں کھولا جا نہیں سکتا
سوا محشر کے کوئی اور روز امتحاں رکھ دو
محبت اور تسلی اس پہ ہوش زندگی کیفیؔ
نہیں اٹھتا اگر کاندھے سے یہ بار گراں رکھ دو