कहाँ कहाँ न तसव्वुर ने दाम फैलाए
हुदूद-ए-शाम-ओ-सहर से निकल के देख आए
नहीं पयाम रह-ए-नामा-ओ-पयाम तू है
अभी सबा से कहो उन के दिल को बहलाए
ग़ुरूर-ए-जादा-शनासी बजा सही लेकिन
सुराग़-ए-मंज़िल-ए-मक़्सूद भी कोई पाए
ख़ुदा वो दिन न दिखाए कि राहबर ये कहे
चले थे जाने कहाँ से कहाँ निकल आए
गुज़र गया कोई दरमाँदा-राह ये कहता
अब इस फ़ज़ा में कोई क़ाफ़िले न ठहराए
न जाने उन के मुक़द्दर में क्यूँ है तीरा-शबी
वो हम-नवा जो सहर को क़रीब-तर लाए
कोई फ़रेब-ए-नज़र है कि ताबनाक फ़ज़ा
किसे ख़बर कि यहाँ कितने चाँद गहनाए
ग़म-ए-ज़माना तिरी ज़ुल्मतें ही क्या कम थीं
कि बढ़ चले हैं अब उन गेसुओं के भी साए
बहुत बुलंद है इस से मिरा मक़ाम-ए-ग़ज़ल
अगरचे मैं ने मोहब्बत के गीत भी गाए
'हफ़ीज़' अपना मुक़द्दर 'हफ़ीज़' अपना नसीब
गिरे थे फूल मगर हम ने ज़ख़्म ही खाए
kahāñ kahāñ na tasavvur ne daam phailā.e
hudūd-e-shām-o-sahr se nikal ke dekh aa.e
nahīñ payām rah-e-nāma-o-payām tū hai
abhī sabā se kaho un ke dil ko bahlā.e
ġhurūr-e-jādā-shanāsī bajā sahī lekin
surāġh-e-manzil-e-maqsūd bhī koī paa.e
ḳhudā vo din na dikhā.e ki rāhbar ye kahe
chale the jaane kahāñ se kahāñ nikal aa.e
guzar gayā koī darmāñda-rāh ye kahtā
ab is fazā meñ koī qāfile na Thahrā.e
na jaane un ke muqaddar meñ kyuuñ hai tīra-shabī
vo ham-navā jo sahar ko qarīb-tar laa.e
koī fareb-e-nazar hai ki tābnāk fazā
kise ḳhabar ki yahāñ kitne chāñd gahnā.e
ġham-e-zamāna tirī zulmateñ hī kyā kam thiiñ
ki baḌh chale haiñ ab un gesuoñ ke bhī saa.e
bahut buland hai is se mirā maqām-e-ġhazal
agarche maiñ ne mohabbat ke giit bhī gaa.e
'hafīz' apnā muqaddar 'hafīz' apnā nasīb
gire the phuul magar ham ne zaḳhm hī khaa.e
کہاں کہاں نہ تصور نے دام پھیلائے
حدود شام و سحر سے نکل کے دیکھ آئے
نہیں پیام رہ نامہ و پیام تو ہے
ابھی صبا سے کہو ان کے دل کو بہلائے
غرور جادہ شناسی بجا سہی لیکن
سراغ منزل مقصود بھی کوئی پائے
خدا وہ دن نہ دکھائے کہ راہبر یہ کہے
چلے تھے جانے کہاں سے کہاں نکل آئے
گزر گیا کوئی درماندہ راہ یہ کہتا
اب اس فضا میں کوئی قافلے نہ ٹھہرائے
نہ جانے ان کے مقدر میں کیوں ہے تیرہ شبی
وہ ہم نوا جو سحر کو قریب تر لائے
کوئی فریب نظر ہے کہ تابناک فضا
کسے خبر کہ یہاں کتنے چاند گہنائے
غم زمانہ تری ظلمتیں ہی کیا کم تھیں
کہ بڑھ چلے ہیں اب ان گیسوؤں کے بھی سائے
بہت بلند ہے اس سے مرا مقام غزل
اگرچہ میں نے محبت کے گیت بھی گائے
حفیظؔ اپنا مقدر حفیظؔ اپنا نصیب
گرے تھے پھول مگر ہم نے زخم ہی کھائے