कहा जो मैं ने ग़लत कर रही हो चुन के मुझे
अचानक उस ने कहा चुप ये बात सुन के मुझे
कोई जुनून हवा में उड़ा दे मेरा वुजूद
कोई 'असा हो जो रूई की तरह धुनके मुझे
किसी ने कह के जब इक हाँ बसाया दिल का जहाँ
क़सम ख़ुदा की समझ आए मा'नी कुन के मुझे
उधेड़ दे गर इरादा नहीं पहनने का
ये क्या कि एक तरफ़ रख दिया है बुन के मुझे
तुम्हारे लौटने तक कुछ बुरा न हो गया हो
न पास छोड़ना मुझ ऐसे बद-शगुन के मुझे
शजर से काट लिया है तो अपनी मेज़ बना
अगर नहीं तो फिर आने दे काम घुन के मुझे
कल एक रेल की छुक-छुक से रुक्न याद आए
मफ़ा'इलुन फ़'इलातुन मफ़ा'इलुन के मुझे
फ़क़ीर लोग समझ आएँ या न आएँ 'उमैर'
कोई समझता नहीं है सिवाए उन के मुझे
kahā jo maiñ ne ġhalat kar rahī ho chun ke mujhe
achānak us ne kahā chup ye baat sun ke mujhe
koī junūn havā meñ uḌā de merā vujūd
koī 'asā ho jo ruuī kī tarah dhunke mujhe
kisī ne keh ke jab ik haañ basāyā dil kā jahāñ
qasam ḳhudā kī samajh aa.e mā'nī kun ke mujhe
udheḌ de gar irāda nahīñ pahanñe kā
ye kyā ki ek taraf rakh diyā hai bun ke mujhe
tumhāre lauTne tak kuchh burā na ho gayā ho
na paas chhoḌnā mujh aise bad-shagun ke mujhe
shajar se kaaT liyā hai to apnī mez banā
agar nahīñ to phir aane de kaam ghun ke mujhe
kal ek rail kī chhuk-chhuk se rukn yaad aa.e
mafā'ilun fa'ilātun mafā'ilun ke mujhe
faqīr log samajh aa.eñ yā na aa.eñ 'umair'
koī samajhtā nahīñ hai sivā.e un ke mujhe
کہا جو میں نے غلط کر رہی ہو چن کے مجھے
اچانک اس نے کہا چپ یہ بات سن کے مجھے
کوئی جنون ہوا میں اڑا دے میرا وجود
کوئی عصا ہو جو روئی کی طرح دھنکے مجھے
کسی نے کہہ کے جب اک ہاں بسایا دل کا جہاں
قسم خدا کی سمجھ آئے معنی کن کے مجھے
ادھیڑ دے گر ارادہ نہیں پہننے کا
یہ کیا کہ ایک طرف رکھ دیا ہے بن کے مجھے
تمھارے لوٹنے تک کچھ برا نہ ہو گیا ہو
نہ پاس چھوڑنا مجھ ایسے بد شگن کے مجھے
شجر سے کاٹ لیا ہے تو اپنی میز بنا
اگر نہیں تو پھر آنے دے کام گھن کے مجھے
کل ایک ریل کی چھک چھک سے رکن یاد آئے
مفاعلن فعلاتن مفاعلن کے مجھے
فقیر لوگ سمجھ آئیں یا نہ آئیں عمیرؔ
کوئی سمجھتا نہیں ہے سوائے ان کے مجھے