कभी ठहर के सुनी है बहाव की आवाज़
सुबुक नदी में किसी सुस्त नाव की आवाज़
फ़ज़ा का शोर थमे तो दरों से आती है
घुटी घुटी सी बचाओ बचाओ की आवाज़
हमारे दरमियाँ बढ़ता सुकूत अस्ल में है
हमारे दरमियाँ बढ़ते तनाव की आवाज़
किसी को भेजते साँसों पे बोझ पड़ता है
जभी तो जाओ में दबती है वाओ की आवाज़
बड़ों में बहस है कमरे बढ़ा लें आँगन तक
मैं सुन रहा हूँ शजर के कटाव की आवाज़
तभी तो आग के नज़दीक बैठता नहीं मैं
मुझे अलाव से आती है आओ की आवाज़
ये इज़्तिराब उतरता है वज़्न में मुझ पर
ये शा'इरी है दिमाग़ी खिंचाव की आवाज़
kabhī Thahar ke sunī hai bahāv kī āvāz
subuk nadī meñ kisī sust naav kī āvāz
fazā kā shor thame to daroñ se aatī hai
ghuTī ghuTī sī bachāo bachāo kī āvāz
hamāre darmiyāñ baḌhtā sukūt asl meñ hai
hamāre darmiyāñ baḌhte tanāv kī āvāz
kisī ko bhejte sāñsoñ pe bojh paḌtā hai
jabhī to jaao meñ dabtī hai vaao kī āvāz
baḌoñ meñ bahs hai kamre baḌhā leñ āñgan tak
maiñ sun rahā huuñ shajar ke kaTāv kī āvāz
tabhī to aag ke nazdīk baiThtā nahīñ maiñ
mujhe alaav se aatī hai aao kī āvāz
ye iztirāb utartā hai vazn meñ mujh par
ye shā'irī hai dimāġhī khiñchāv kī āvāz
کبھی ٹھہر کے سنی ہے بہاؤ کی آواز
سبک ندی میں کسی سست ناؤ کی آواز
فضا کا شور تھمے تو دروں سے آتی ہے
گھٹی گھٹی سی بچاؤ بچاؤ کی آواز
ہمارے درمیاں بڑھتا سکوت اصل میں ہے
ہمارے درمیاں بڑھتے تناؤ کی آواز
کسی کو بھیجتے سانسوں پہ بوجھ پڑتا ہے
جبھی تو جاؤ میں دبتی ہے واؤ کی آواز
بڑوں میں بحث ہے کمرے بڑھا لیں آنگن تک
میں سن رہا ہوں شجر کے کٹاؤ کی آواز
تبھی تو آگ کے نزدیک بیٹھتا نہیں میں
مجھے الاؤ سے آتی ہے آؤ کی آواز
یہ اضطراب اترتا ہے وزن میں مجھ پر
یہ شاعری ہے دماغی کھنچاؤ کی آواز