कब फूल खिलें शग़्ल छिड़े जामा-दरी का
दीवानों को चस्का है इसी ख़ुश-ख़बरी का
सोए थे सर-ए-शाम खुली पिछले पहर आँख
मुँह देख के उट्ठे हैं चराग़-ए-सहरी का
कुछ अपनी तरफ़ मेरी निगाहों से भी देखो
इस रुख़ से भी इक बाब खुले ख़ुद-निगरी का
ना-साज़ हवा-ए-पर-ए-परवाज़ न हो जाए
मौसम तो गया ख़ैर से बे-बाल-ओ-परी का
ये चाँद ये सूरज ये अंधेरा ये उजाला
मुँह देख रहा है सफ़री हर सफ़री का
क़ाएम नहीं रहती हैं किसी शय पे निगाहें
अब कोई ठिकाना है परेशाँ-नज़री का
फ़ितरत ही से मिलती है 'रज़ा' दाद-ए-सुख़न भी
जब फ़र्ज़ अदा होता है पैग़ाम्बरी का
kab phuul khileñ shaġhl chhiḌe jāma-darī kā
dīvānoñ ko chaska hai isī ḳhush-ḳhabarī kā
so.e the sar-e-shām khulī pichhle pahar aañkh
muñh dekh ke uTThe haiñ charāġh-e-saharī kā
kuchh apnī taraf merī nigāhoñ se bhī dekho
is ruḳh se bhī ik baab khule ḳhud-nigarī kā
nā-sāz havā-e-par-e-parvāz na ho jaa.e
mausam to gayā ḳhair se be-bāl-o-parī kā
ye chāñd ye sūraj ye añdherā ye ujālā
muñh dekh rahā hai safarī har safarī kā
qaa.em nahīñ rahtī haiñ kisī shai pe nigāheñ
ab koī Thikānā hai pareshāñ-nazarī kā
fitrat hī se miltī hai 'razā' dād-e-suḳhan bhī
jab farz adā hotā hai paiġhāmbarī kā
کب پھول کھلیں شغل چھڑے جامہ دری کا
دیوانوں کو چسکہ ہے اسی خوش خبری کا
سوئے تھے سر شام کھلی پچھلے پہر آنکھ
منہ دیکھ کے اٹھے ہیں چراغ سحری کا
کچھ اپنی طرف میری نگاہوں سے بھی دیکھو
اس رخ سے بھی اک باب کھلے خود نگری کا
ناساز ہوائے پر پرواز نہ ہو جائے
موسم تو گیا خیر سے بے بال و پری کا
یہ چاند یہ سورج یہ اندھیرا یہ اجالا
منہ دیکھ رہا ہے سفری ہر سفری کا
قائم نہیں رہتی ہیں کسی شے پہ نگاہیں
اب کوئی ٹھکانا ہے پریشاں نظری کا
فطرت ہی سے ملتی ہے رضاؔ داد سخن بھی
جب فرض ادا ہوتا ہے پیغامبری کا