जुनूँ बिगड़ी हुई हालत के बनने का गुमाँ कब तक
गिरेबाँ जा चुका कब का रहेंगी धज्जियाँ कब तक
मोहब्बत-ना-शनासों में मोहब्बत की फ़ुग़ाँ कब तक
न जाने कट के दिल से काम देगी अब ज़बाँ कब तक
तहय्या कर चुके जिस बेवफ़ा को भूल जाने का
उसी की याद आख़िर दिल में लेगी चुटकियाँ कब तक
इधर तिनका उठाया और उधर फिर बर्क़ ने पूछा
कि फिर तय्यार हो जाएगा बन कर आशियाँ कब तक
खुले कुछ पैकर-ए-उम्मीद या ये वहम मिट जाए
नज़र आएँगी धुंदली धुंदली सी परछाइयाँ कब तक
तुम्हारी आस पर किस किस तरह दिल को न समझाया
मगर ये एहतिमाम-ए-ख़ुद-फ़रेबी मेहरबाँ कब तक
'रज़ा' कब से यही फ़रियाद है बाग़-ए-तमन्ना की
मुझे लूटे चला जाएगा मेरा बाग़बाँ कब तक
junūñ bigḌī huī hālat ke banñe kā gumāñ kab tak
girebāñ jā chukā kab kā raheñgī dhajjiyāñ kab tak
mohabbat-nā-shanāsoñ meñ mohabbat kī fuġhāñ kab tak
na jaane kaT ke dil se kaam degī ab zabāñ kab tak
tahayya kar chuke jis bevafā ko bhuul jaane kā
usī kī yaad āḳhir dil meñ legī chuTkiyāñ kab tak
idhar tinkā uThāyā aur udhar phir barq ne pūchhā
ki phir tayyār ho jā.egā ban kar āshiyāñ kab tak
khule kuchh paikar-e-ummīd yā ye vahm miT jaa.e
nazar ā.eñgī dhuñdlī dhuñdlī sī parchhā.iyāñ kab tak
tumhārī aas par kis kis tarah dil ko na samjhāyā
magar ye ehtimām-e-ḳhud-farebī mehrbāñ kab tak
'razā' kab se yahī fariyād hai bāġh-e-tamannā kī
mujhe luuTe chalā jā.egā merā bāġhbāñ kab tak
جنوں بگڑی ہوئی حالت کے بننے کا گماں کب تک
گریباں جا چکا کب کا رہیں گی دھجیاں کب تک
محبت نا شناسوں میں محبت کی فغاں کب تک
نہ جانے کٹ کے دل سے کام دے گی اب زباں کب تک
تہیہ کر چکے جس بے وفا کو بھول جانے کا
اسی کی یاد آخر دل میں لے گی چٹکیاں کب تک
ادھر تنکا اٹھایا اور ادھر پھر برق نے پوچھا
کہ پھر تیار ہو جائے گا بن کر آشیاں کب تک
کھلے کچھ پیکر امید یا یہ وہم مٹ جائے
نظر آئیں گی دھندھلی دھندھلی سی پرچھائیاں کب تک
تمہاری آس پر کس کس طرح دل کو نہ سمجھایا
مگر یہ اہتمام خود فریبی مہرباں کب تک
رضاؔ کب سے یہی فریاد ہے باغ تمنا کی
مجھے لوٹے چلا جائے گا میرا باغباں کب تک