जुदा होने का उस को भी बहुत सदमा हुआ होगा
वो पहली बार इस अंदाज़ से तन्हा हुआ होगा
सुना होगा जब उस ने इत्तिफ़ाक़न तज़्किरा मेरा
यक़ीनन एक लम्हे को वो संजीदा हुआ होगा
चलो देखें निकल कर आज फिर यादों की दुनिया में
कम-अज़-कम एक वो चेहरा तो पहचाना हुआ होगा
जहाँ हर आदमी सिमटा हुआ था ज़ात में अपनी
किसे अपने अधूरे-पन का अंदाज़ा हुआ होगा
उसे इक इत्तिफ़ाक़ी अम्र कहना भी है नादानी
हुआ है जो बहुत सोचा बहुत समझा हुआ होगा
जो मेरी ख़ामुशी अर्बाब-ए-महफ़िल को खली होगी
तो मेरे लब-कुशा होने पे हंगामा हुआ होगा
सफ़र लम्बा है जब तक लौट कर आओगे तुम 'मंज़र'
तुम्हारे शहर का नक़्शा बहुत बदला हुआ होगा
judā hone kā us ko bhī bahut sadma huā hogā
vo pahlī baar is andāz se tanhā huā hogā
sunā hogā jab us ne ittifāqan tazkira merā
yaqīnan ek lamhe ko vo sanjīda huā hogā
chalo dekheñ nikal kar aaj phir yādoñ kī duniyā meñ
kam-az-kam ek vo chehra to pahchānā huā hogā
jahāñ har aadmī simTā huā thā zaat meñ apnī
kise apne adhūre-pan kā andāza huā hogā
use ik ittifāqī amr kahnā bhī hai nādānī
huā hai jo bahut sochā bahut samjhā huā hogā
jo merī ḳhāmushī arbāb-e-mahfil ko khalī hogī
to mere lab-kushā hone pe hangāma huā hogā
safar lambā hai jab tak lauT kar aaoge tum 'manzar'
tumhāre shahr kā naqsha bahut badlā huā hogā
جدا ہونے کا اس کو بھی بہت صدمہ ہوا ہوگا
وہ پہلی بار اس انداز سے تنہا ہوا ہوگا
سنا ہوگا جب اس نے اتفاقاً تذکرہ میرا
یقینا ایک لمحے کو وہ سنجیدہ ہوا ہوگا
چلو دیکھیں نکل کر آج پھر یادوں کی دنیا میں
کم از کم ایک وہ چہرہ تو پہچانا ہوا ہوگا
جہاں ہر آدمی سمٹا ہوا تھا ذات میں اپنی
کسے اپنے ادھورے پن کا اندازہ ہوا ہوگا
اسے اک اتفاقی امر کہنا بھی ہے نادانی
ہوا ہے جو بہت سوچا بہت سمجھا ہوا ہوگا
جو میری خامشی ارباب محفل کو کھلی ہوگی
تو میرے لب کشا ہونے پہ ہنگامہ ہوا ہوگا
سفر لمبا ہے جب تک لوٹ کر آؤ گے تم منظرؔ
تمہارے شہر کا نقشہ بہت بدلا ہوا ہوگا