जो पुराने ढंग के थे घर वो सारे ढह गए
हम नई तहज़ीब के साँचे में ढल कर रह गए
अब के वो सैलाब ने की है सितम-कारी यहाँ
इक पड़ोसी गाँव में तो झोंपड़े तक बह गए
कल भी उन की बात को सुन कर रहे ख़ामोश हम
जाहिलों के तब्सिरे को आज भी हम सह गए
तोड़ दीं इस बार ग़ुस्से ने हदें आदाब की
रू-ब-रू क्या कुछ अमीर-ए-शहर के हम कह गए
हो सके तो कुछ बता कुछ याद तो होगा तुझे
ऐ ज़मीं तुझ पर उतर कर चाँद कितने गह गए
देखते ही देखते दुनिया तो आगे बढ़ गई
और इक हम थे कि बस हो कर तुम्हारे रह गए
आ नहीं पाए कभी अल्फ़ाज़ की दहलीज़ तक
कुछ ख़याल ऐसे थे 'मंज़र' जो सरों में रह गए
jo purāne Dhang ke the ghar vo saare Dhah ga.e
ham na.ī tahzīb ke sāñche meñ Dhal kar rah ga.e
ab ke vo sailāb ne kī hai sitam-kārī yahāñ
ik paḌosī gaañv meñ to jhoñpaḌe tak bah ga.e
kal bhī un kī baat ko sun kar rahe ḳhāmosh ham
jāhiloñ ke tabsire ko aaj bhī ham sah ga.e
toḌ diiñ is baar ġhusse ne hadeñ ādāb kī
rū-barū kyā kuchh amīr-e-shahr ke ham kah ga.e
ho sake to kuchh batā kuchh yaad to hogā tujhe
ai zamīñ tujh par utar kar chāñd kitne gah ga.e
dekhte hī dekhte duniyā to aage baḌh ga.ī
aur ik ham the ki bas ho kar tumhāre rah ga.e
aa nahīñ paa.e kabhī alfāz kī dahlīz tak
kuchh ḳhayāl aise the 'manzar' jo saroñ meñ rah ga.e
جو پرانے ڈھنگ کے تھے گھر وہ سارے ڈھ گئے
ہم نئی تہذیب کے سانچے میں ڈھل کر رہ گئے
اب کے وہ سیلاب نے کی ہے ستم کاری یہاں
اک پڑوسی گاؤں میں تو جھونپڑے تک بہہ گئے
کل بھی ان کی بات کو سن کر رہے خاموش ہم
جاہلوں کے تبصرے کو آج بھی ہم سہہ گئے
توڑ دیں اس بار غصے نے حدیں آداب کی
روبرو کیا کچھ امیر شہر کے ہم کہہ گئے
ہو سکے تو کچھ بتا کچھ یاد تو ہوگا تجھے
اے زمیں تجھ پر اتر کر چاند کتنے گہہ گئے
دیکھتے ہی دیکھتے دنیا تو آگے بڑھ گئی
اور اک ہم تھے کہ بس ہو کر تمہارے رہ گئے
آ نہیں پائے کبھی الفاظ کی دہلیز تک
کچھ خیال ایسے تھے منظرؔ جو سروں میں رہ گئے