जो बशर तूफ़ाँ से टकराता नहीं
अपनी अज़्मत को समझ पाता नहीं
जुस्तुजू में ख़ुद जो खो जाता नहीं
गौहर-ए-मक़्सूद को पाता नहीं
किस को देखें इस भरी दुनिया में हम
कोई भी तुम सा नज़र आता नहीं
सोचिए तो दिल ही में मौजूद है
देखिए तो वो नज़र आता नहीं
क्या क़यामत है फ़रोग़-ए-फ़स्ल-ए-गुल
आशियाँ अपना नज़र आता नहीं
बद-गुमाँ क्यों मुझ से नासेह हो गया
मैं कहीं आता नहीं जाता नहीं
जो ग़म-ए-उल्फ़त का ख़ूगर हो गया
वो ग़म-ए-दौराँ से घबराता नहीं
लुट चुका हूँ बारहा 'साबिर' मगर
इश्क़ से दिल अब भी बाज़ आता नहीं
jo bashar tūfāñ se Takrātā nahīñ
apnī azmat ko samajh paatā nahīñ
justujū meñ ḳhud jo kho jaatā nahīñ
gauhar-e-maqsūd ko paatā nahīñ
kis ko dekheñ is bharī duniyā meñ ham
koī bhī tum sā nazar aatā nahīñ
sochiye to dil hī meñ maujūd hai
dekhiye to vo nazar aatā nahīñ
kyā qayāmat hai faroġh-e-fasl-e-gul
āshiyāñ apnā nazar aatā nahīñ
bad-gumāñ kyoñ mujh se nāseh ho gayā
maiñ kahīñ aatā nahīñ jaatā nahīñ
jo ġham-e-ulfat kā ḳhūgar ho gayā
vo ġham-e-daurāñ se ghabrātā nahīñ
luT chukā huuñ bārhā 'sābir' magar
ishq se dil ab bhī baaz aatā nahīñ
جو بشر طوفاں سے ٹکراتا نہیں
اپنی عظمت کو سمجھ پاتا نہیں
جستجو میں خود جو کھو جاتا نہیں
گوہر مقصود کو پاتا نہیں
کس کو دیکھیں اس بھری دنیا میں ہم
کوئی بھی تم سا نظر آتا نہیں
سوچئے تو دل ہی میں موجود ہے
دیکھیے تو وہ نظر آتا نہیں
کیا قیامت ہے فروغ فصل گل
آشیاں اپنا نظر آتا نہیں
بد گماں کیوں مجھ سے ناصح ہو گیا
میں کہیں آتا نہیں جاتا نہیں
جو غم الفت کا خوگر ہو گیا
وہ غم دوراں سے گھبراتا نہیں
لٹ چکا ہوں بارہا صابرؔ مگر
عشق سے دل اب بھی باز آتا نہیں