जिस्म से दूर थे कि लत भी तो लग सकती थी
हम को इस खेल की आदत भी तो लग सकती थी
जब गले मेरे मुसीबत ही कोई लगनी थी
तो गले से ये मोहब्बत भी तो लग सकती थी
उन को हर हाल मिरा क़त्ल था करना वर्ना
मेरे ईमान की क़ीमत भी तो लग सकती थी
कम से कम नाम नदामत से न लें बच्चे मेरे
मुझ से ऐसी कोई तोहमत भी तो लग सकती थी
सैकड़ों बार लगी हाथ ये ग़म की दौलत
इक दफ़ा हाथ मसर्रत भी तो लग सकती थी
दोस्ती तुम से बढ़ाने में ये ख़तरा था मुझे
दोस्ती तुम को मोहब्बत भी तो लग सकती थी
जैसे दुनिया की तुम्हें आब-ओ-हवा रास आई
तुम को अच्छी मिरी सोहबत भी तो लग सकती थी
मैं ने इस डर से बुलाया नहीं मिलने तन्हा
तुम को खोटी मिरी निय्यत भी तो लग सकती थी
jism se duur the ki lat bhī to lag saktī thī
ham ko is khel kī aadat bhī to lag saktī thī
jab gale mere musībat hī koī lagnī thī
to gale se ye mohabbat bhī to lag saktī thī
un ko har haal mirā qatl thā karnā varna
mere īmān kī qīmat bhī to lag saktī thī
kam se kam naam nadāmat se na leñ bachche mere
mujh se aisī koī tohmat bhī to lag saktī thī
saikḌoñ baar lagī haath ye ġham kī daulat
ik dafa haath masarrat bhī to lag saktī thī
dostī tum se baḌhāne meñ ye ḳhatra thā mujhe
dostī tum ko mohabbat bhī to lag saktī thī
jaise duniyā kī tumheñ āb-o-havā raas aa.ī
tum ko achchhī mirī sohbat bhī to lag saktī thī
maiñ ne is Dar se bulāyā nahīñ milne tanhā
tum ko khoTī mirī niyyat bhī to lag saktī thī
جسم سے دور تھے کہ لت بھی تو لگ سکتی تھی
ہم کو اس کھیل کی عادت بھی تو لگ سکتی تھی
جب گلے میرے مصیبت ہی کوئی لگنی تھی
تو گلے سے یہ محبت بھی تو لگ سکتی تھی
ان کو ہر حال مرا قتل تھا کرنا ورنہ
میرے ایمان کی قیمت بھی تو لگ سکتی تھی
کم سے کم نام ندامت سے نہ لیں بچے میرے
مجھ سے ایسی کوئی تہمت بھی تو لگ سکتی تھی
سیکڑوں بار لگی ہاتھ یہ غم کی دولت
اک دفعہ ہاتھ مسرت بھی تو لگ سکتی تھی
دوستی تم سے بڑھانے میں یہ خطرہ تھا مجھے
دوستی تم کو محبت بھی تو لگ سکتی تھی
جیسے دنیا کی تمہیں آب و ہوا راس آئی
تم کو اچھی مری صحبت بھی تو لگ سکتی تھی
میں نے اس ڈر سے بلایا نہیں ملنے تنہا
تم کو کھوٹی مری نیت بھی تو لگ سکتی تھی