जब थे कम-उम्र समझदार नहीं होते थे
उन दिनों लोग अदाकार नहीं होते थे
अब तो वो लोग भी मिलने को चले आते हैं
बात करने को जो तय्यार नहीं होते थे
कुछ घरों में कोई रहता ही नहीं था अफ़सोस
कुछ घरों के दर-ओ-दीवार नहीं होते थे
बात करने में कोई ख़ौफ़ नहीं होता था
लोग यूँ मिलने से बीमार नहीं होते थे
इस तरह फ़त्ह किए कितने इलाक़े हम ने
जंग के वास्ते हथियार नहीं होते थे
यूँ न हो आँख खुले और बिछड़ जाएँ हम
बस इसी ख़ौफ़ से बेदार नहीं होते थे
जिन दिनों ख़्वाब लुटाती थीं ये आँखें 'आरिब'
उन दिनों इतने ख़रीदार नहीं होते थे
jab the kam-umr samajhdār nahīñ hote the
un dinoñ log adākār nahīñ hote the
ab to vo log bhī milne ko chale aate haiñ
baat karne ko jo tayyār nahīñ hote the
kuchh gharoñ meñ koī rahtā hī nahīñ thā afsos
kuchh gharoñ ke dar-o-dīvār nahīñ hote the
baat karne meñ koī ḳhauf nahīñ hotā thā
log yuuñ milne se bīmār nahīñ hote the
is tarah fat.h kiye kitne ilāqe ham ne
jang ke vāste hathiyār nahīñ hote the
yuuñ na ho aañkh khule aur bichhaḌ jaa.eñ ham
bas isī ḳhauf se bedār nahīñ hote the
jin dinoñ ḳhvāb luTātī thiiñ ye āñkheñ 'ārib'
un dinoñ itne ḳharīdār nahīñ hote the
جب تھے کم عمر سمجھ دار نہیں ہوتے تھے
ان دنوں لوگ اداکار نہیں ہوتے تھے
اب تو وہ لوگ بھی ملنے کو چلے آتے ہیں
بات کرنے کو جو تیار نہیں ہوتے تھے
کچھ گھروں میں کوئی رہتا ہی نہیں تھا افسوس
کچھ گھروں کے در و دیوار نہیں ہوتے تھے
بات کرنے میں کوئی خوف نہیں ہوتا تھا
لوگ یوں ملنے سے بیمار نہیں ہوتے تھے
اس طرح فتح کئے کتنے علاقے ہم نے
جنگ کے واسطے ہتھیار نہیں ہوتے تھے
یوں نہ ہو آنکھ کھلے اور بچھڑ جائیں ہم
بس اسی خوف سے بیدار نہیں ہوتے تھے
جن دنوں خواب لٹاتی تھیں یہ آنکھیں آربؔ
ان دنوں اتنے خریدار نہیں ہوتے تھے