जाओ मुझे डराओ न कार-ए-मलाल से
ये काम कर रहा हूँ मैं बत्तीस साल से
पहले तो नाख़ुनों से तराशे कई पहाड़
फिर उस के बा'द ज़ख़्म कुरेदे कुदाल से
खुलती थी इक मकान की खिड़की जुनूबी सम्त
सूरज तुलूअ' होता था मेरा शुमाल से
ऐसा नहीं कि हिज्र हुआ मुझ में सिर्फ़ जज़्ब
ज़ाहिर भी हो रहा है मिरे ख़द्द-ओ-ख़ाल से
ये ज़ख़्म उस का आख़िरी तोहफ़ा है कुछ करो
कुछ भी करो बचाओ इसे इंदिमाल से
इक हिज्र-ए-मुमकिना मिरे काफ़ी क़रीब है
दीमक ज़रा सी दूर है लकड़ी के टाल से
jaao mujhe Darāo na kār-e-malāl se
ye kaam kar rahā huuñ maiñ battīs saal se
pahle to nāḳhunoñ se tarāshe ka.ī pahāḌ
phir us ke baa'd zaḳhm kurede kudāl se
khultī thī ik makān kī khiḌkī junūbī samt
sūraj tulū' hotā thā merā shumāl se
aisā nahīñ ki hijr huā mujh meñ sirf jazb
zāhir bhī ho rahā hai mire ḳhadd-o-ḳhāl se
ye zaḳhm us kā āḳhirī tohfa hai kuchh karo
kuchh bhī karo bachāo ise indimāl se
ik hijr-e-mumkina mire kaafī qarīb hai
dīmak zarā sī duur hai lakḌī ke Taal se
جاؤ مجھے ڈراؤ نہ کار ملال سے
یہ کام کر رہا ہوں میں بتیس سال سے
پہلے تو ناخنوں سے تراشے کئی پہاڑ
پھر اس کے بعد زخم کریدے کدال سے
کھلتی تھی اک مکان کی کھڑکی جنوبی سمت
سورج طلوع ہوتا تھا میرا شمال سے
ایسا نہیں کہ ہجر ہوا مجھ میں صرف جذب
ظاہر بھی ہو رہا ہے مرے خد و خال سے
یہ زخم اس کا آخری تحفہ ہے کچھ کرو
کچھ بھی کرو بچاؤ اسے اندمال سے
اک ہجر ممکنہ مرے کافی قریب ہے
دیمک ذرا سی دور ہے لکڑی کے ٹال سے