जान ही जाए तो जाए दर्द-ए-दिल
इक यही है अब दवा-ए-दर्द-ए-दिल
अब तड़पने में मज़ा मिलता नहीं
हो चली जाँ आश्ना-ए-दर्द-ए-दिल
इम्तिहान-ए-ज़ब्त है मंज़ूर आज
जिस क़दर चाहे सताए दर्द-ए-दिल
भागती है दूर जिस से मौत भी
वो बला है ये बला-ए-दर्द-ए-दिल
रहम कब आया किसी बे-दर्द को
हो चुकी जब इंतिहा-ए-दर्द-ए-दिल
खा के कुछ सो रहते हैं हिर्मां-नसीब
एक ये भी है दवा-ए-दर्द-ए-दिल
हम मरीज़ों का नहीं मुमकिन इलाज
ला-दवा हैं मुब्तला-ए-दर्द-ए-दिल
रहती है सीने ही पर तस्वीर-ए-दोस्त
है ये ता'वीज़ इक बरा-ए-दर्द-ए-दिल
रोते रोते बंध गई हिचकी 'हफ़ीज़'
जब कहा कुछ माजरा-ए-दर्द-ए-दिल
jaan hī jaa.e to jaa.e dard-e-dil
ik yahī hai ab davā-e-dard-e-dil
ab taḌapne meñ mazā miltā nahīñ
ho chalī jaañ āshnā-e-dard-e-dil
imtihān-e-zabt hai manzūr aaj
jis qadar chāhe satā.e dard-e-dil
bhāgtī hai duur jis se maut bhī
vo balā hai ye balā-e-dard-e-dil
rahm kab aayā kisī be-dard ko
ho chukī jab intihā-e-dard-e-dil
khā ke kuchh so rahte haiñ hirmāñ-nasīb
ek ye bhī hai davā-e-dard-e-dil
ham marīzoñ kā nahīñ mumkin ilaaj
lā-davā haiñ mubtalā-e-dard-e-dil
rahtī hai siine hī par tasvīr-e-dost
hai ye ta.avīz ik barā-e-dard-e-dil
rote rote bañdh ga.ī hichkī 'hafīz'
jab kahā kuchh mājrā-e-dard-e-dil
جان ہی جائے تو جائے درد دل
اک یہی ہے اب دوائے درد دل
اب تڑپنے میں مزا ملتا نہیں
ہو چلی جاں آشنائے درد دل
امتحان ضبط ہے منظور آج
جس قدر چاہے ستائے درد دل
بھاگتی ہے دور جس سے موت بھی
وہ بلا ہے یہ بلائے درد دل
رحم کب آیا کسی بے درد کو
ہو چکی جب انتہائے درد دل
کھا کے کچھ سو رہتے ہیں حرماں نصیب
ایک یہ بھی ہے دوائے درد دل
ہم مریضوں کا نہیں ممکن علاج
لا دوا ہیں مبتلائے درد دل
رہتی ہے سینے ہی پر تصویر دوست
ہے یہ تعویذ اک برائے درد دل
روتے روتے بندھ گئی ہچکی حفیظؔ
جب کہا کچھ ماجرائے درد دل