'इश्क़ अब मेरी जान है गोया
जान अब मेहमान है गोया
सोज़-ए-दिल कह रही है महफ़िल में
शम' मेरी ज़बान है गोया
जिस को देखो वही है गर्म-ए-तलाश
कहीं उस का निशान है गोया
है क़यामत उठान ज़ालिम की
वो अभी से जवान है गोया
छीने लेती है दिल तिरी तस्वीर
वो अदा है कि जान है गोया
एक दिल उस में लाख ज़ख़्म-ए-फ़िराक़
टूटा-फूटा मकान है गोया
माँगे जाएँगे तुझ को हम तुझ से
मुँह में जब तक ज़बान है गोया
जी बहलने को लोग सुनते हैं
दर्द-ए-दिल दास्तान है गोया
आदमी वक़्फ़-ए-कार-ए-दुनिया है
मेहमाँ मेज़बान है गोया
तेरी किस बात का भरोसा हो
तेरी हर बात जान है गोया
दिल में कैसे वो बे-तकल्लुफ़ हैं
उन का अपना मकान है गोया
हाए उस आलम-आश्ना की नज़र
हर नज़र में जहान है गोया
अच्छे-अच्छों को फाँस रक्खा है
ज़ाल-ए-दुनिया जवान है गोया
चुप रहूँ मैं तो सब खटकते हैं
बे-ज़बानी ज़बान है गोया
बेवफ़ाई पे मरते हैं मा'शूक़
दिलरुबाई की शान है गोया
कोई उस पर निगाह क्या डाले
तमकनत पासबान है गोया
तेरी सूरत तो कहती है क़ातिल
ख़ुद तिरा इम्तिहान है गोया
ख़ूब-रूयान-ए-माह-पैकर से
ये ज़मीं आसमान है गोया
आज है दीद की इजाज़त-ए-आम
मौत का इम्तिहान है गोया
वार पर वार करते जाते हैं
कुछ अभी मुझ में जान है गोया
इस सुख़न का 'जलील' क्या कहना
'मुसहफ़ी' की ज़बान है गोया
'ishq ab merī jaan hai goyā
jaan ab mehmān hai goyā
soz-e-dil kah rahī hai mahfil meñ
sham' merī zabān hai goyā
jis ko dekho vahī hai garm-e-talāsh
kahīñ us kā nishān hai goyā
hai qayāmat uThān zālim kī
vo abhī se javān hai goyā
chhīne letī hai dil tirī tasvīr
vo adā hai ki jaan hai goyā
ek dil us meñ laakh zaḳhm-e-firāq
TūTā-phūTā makān hai goyā
māñge jā.eñge tujh ko ham tujh se
muñh meñ jab tak zabān hai goyā
jī bahalne ko log sunte haiñ
dard-e-dil dāstān hai goyā
aadmī vaqf-e-kār-e-duniyā hai
mehmāñ mezbān hai goyā
terī kis baat kā bharosa ho
terī har baat jaan hai goyā
dil meñ kaise vo be-takalluf haiñ
un kā apnā makān hai goyā
haa.e us ālam-āshnā kī nazar
har nazar meñ jahān hai goyā
achchhe-achchhoñ ko phāñs rakkhā hai
zāl-e-duniyā javān hai goyā
chup rahūñ maiñ to sab khaTakte haiñ
be-zabānī zabān hai goyā
bevafā.ī pe marte haiñ mā'shūq
dilrubā.ī kī shaan hai goyā
koī us par nigāh kyā Daale
tamkanat pāsbān hai goyā
terī sūrat to kahtī hai qātil
ḳhud tirā imtihān hai goyā
ḳhūb-rūyān-e-māh-paikar se
ye zamīñ āsmān hai goyā
aaj hai diid kī ijāzat-e-ām
maut kā imtihān hai goyā
vaar par vaar karte jaate haiñ
kuchh abhī mujh meñ jaan hai goyā
is suḳhan kā 'jalīl' kyā kahnā
'mus.hafī' kī zabān hai goyā
عشق اب میری جان ہے گویا
جان اب میہمان ہے گویا
سوز دل کہہ رہی ہے محفل میں
شمع میری زبان ہے گویا
جس کو دیکھو وہی ہے گرم تلاش
کہیں اس کا نشان ہے گویا
ہے قیامت اٹھان ظالم کی
وہ ابھی سے جوان ہے گویا
چھینے لیتی ہے دل تری تصویر
وہ ادا ہے کہ جان ہے گویا
ایک دل اس میں لاکھ زخم فراق
ٹوٹا پھوٹا مکان ہے گویا
مانگے جائیں گے تجھ کو ہم تجھ سے
منہ میں جب تک زبان ہے گویا
جی بہلنے کو لوگ سنتے ہیں
درد دل داستان ہے گویا
آدمی وقف کار دنیا ہے
میہماں میزبان ہے گویا
تیری کس بات کا بھروسہ ہو
تیری ہر بات جان ہے گویا
دل میں کیسے وہ بے تکلف ہیں
ان کا اپنا مکان ہے گویا
ہائے اس عالم آشنا کی نظر
ہر نظر میں جہان ہے گویا
اچھے اچھوں کو پھانس رکھا ہے
زال دنیا جوان ہے گویا
چپ رہوں میں تو سب کھٹکتے ہیں
بے زبانی زبان ہے گویا
بے وفائی پہ مرتے ہیں معشوق
دل ربائی کی شان ہے گویا
کوئی اس پر نگاہ کیا ڈالے
تمکنت پاسبان ہے گویا
تیری صورت تو کہتی ہے قاتل
خود ترا امتحان ہے گویا
خوبرویان ماہ پیکر سے
یہ زمیں آسمان ہے گویا
آج ہے دید کی اجازت عام
موت کا امتحان ہے گویا
وار پر وار کرتے جاتے ہیں
کچھ ابھی مجھ میں جان ہے گویا
اس سخن کا جلیلؔ کیا کہنا
مصحفیؔ کی زبان ہے گویا