अब कौन फिर के जाए तिरी जल्वा-गाह से
ओ शोख़ चश्म फूँक दे बर्क़-ए-निगाह से
किस शान से चला है मिरा शहसवार-ए-हुस्न
फ़ित्ने पुकारते हैं ज़रा हट के राह से
झपकी पलक तू बर्क़ फ़लक से ज़मीं पे थी
सँभला न कोई गिर के तुम्हारी निगाह से
दिलचस्प हो गई तिरे चलने से रहगुज़र
उठ उठ के गर्द-ए-राह लिपटती है राह से
मीज़ाँ खड़ी हुई मिरे आगे न रोज़-ए-हश्र
दबना पड़ा उसे मिरे बार-ए-गुनाह से
देखो फिर ऐसे देखने वाले न पाओगे
क्यूँ ख़ाक में मिलाते हो नीची निगाह से
आईने आरसी तो फ़क़त देखने के हैं
देखो तुम अपने हुस्न को मेरी निगाह से
कसरत से मय जो पी है नज़र है मआल पर
रअशा नहीं है काँप रहा हूँ गुनाह से
पाया बुलंद क्यूँ न हमारा हो ऐ 'जलील'
पाया है फ़ैज़ अमीर-ए-सुख़न दस्तगाह से
ab kaun phir ke jaa.e tirī jalva-gāh se
o shoḳh chashm phūñk de barq-e-nigāh se
kis shaan se chalā hai mirā shahsavār-e-husn
fitne pukārte haiñ zarā haT ke raah se
jhapkī palak tū barq falak se zamīñ pe thī
sambhlā na koī gir ke tumhārī nigāh se
dilchasp ho ga.ī tire chalne se rahguzar
uTh uTh ke gard-e-rāh lipaTtī hai raah se
mīzāñ khaḌī huī mire aage na roz-e-hashr
dabnā paḌā use mire bār-e-gunāh se
dekho phir aise dekhne vaale na pāoge
kyuuñ ḳhaak meñ milāte ho nīchī nigāh se
ā.īne aarsī to faqat dekhne ke haiñ
dekho tum apne husn ko merī nigāh se
kasrat se mai jo pī hai nazar hai ma.aal par
ra.asha nahīñ hai kaañp rahā huuñ gunāh se
paayā buland kyuuñ na hamārā ho ai 'jalīl'
paayā hai faiz amīr-e-suḳhan dastgāh se
اب کون پھر کے جائے تری جلوہ گاہ سے
او شوخ چشم پھونک دے برق نگاہ سے
کس شان سے چلا ہے مرا شہسوار حسن
فتنے پکارتے ہیں ذرا ہٹ کے راہ سے
جھپکی پلک تو برق فلک سے زمیں پہ تھی
سنبھلا نہ کوئی گر کے تمہاری نگاہ سے
دلچسپ ہو گئی ترے چلنے سے رہ گزر
اٹھ اٹھ کے گرد راہ لپٹتی ہے راہ سے
میزاں کھڑی ہوئی مرے آگے نہ روز حشر
دبنا پڑا اسے مرے بار گناہ سے
دیکھو پھر ایسے دیکھنے والے نہ پاؤ گے
کیوں خاک میں ملاتے ہو نیچی نگاہ سے
آئینے آرسی تو فقط دیکھنے کے ہیں
دیکھو تم اپنے حسن کو میری نگاہ سے
کثرت سے مے جو پی ہے نظر ہے مآل پر
رعشہ نہیں ہے کانپ رہا ہوں گناہ سے
پایا بلند کیوں نہ ہمارا ہو اے جلیلؔ
پایا ہے فیض امیر سخن دستگاہ سے