अच्छी कही दिल मैं ने लगाया है कहीं और
ये जब हो कि तुम सा हो ज़माने में कहीं और
गर्दूं पे मह ओ मेहर गुल ओ शम्अ ज़मीं पर
इक जल्वा-ए-जानाँ है कहीं और कहीं और
मैं अक्स हूँ आईना-ए-इमकाँ में तुम्हारा
तुम सा जो नहीं और तो मुझ सा भी नहीं और
अहबाब जो करते हैं करम हाल पे मेरे
कहता है जुनूँ आइए चल बैठें कहीं और
जाते हैं मिटाते हुए वो नक़्श-ए-क़दम को
कह दे कोई उन से कि है इक ख़ाक-नशीं और
आँख उस ने मिलाई तड़प उट्ठा दिल-ए-मुज़्तर
ताका था कहीं और पड़ा तीर कहीं और
हम भूले हुए राह हैं ऐ काबा-नशीनो
जाते थे कहीं और निकल आए कहीं और
देती है मज़ा नासिया-साई तिरे दर पर
इक सज्दा जो करता हूँ तो कहती है जबीं और
कुछ रोज़ 'जलील' अपनी रही गर यही हालत
ढूँडेंगे फ़लक और निकालेंगे ज़मीं और
achchhī kahī dil maiñ ne lagāyā hai kahīñ aur
ye jab ho ki tum sā ho zamāne meñ kahīñ aur
gardūñ pe mah o mehr gul o sham.a zamīñ par
ik jalva-e-jānāñ hai kahīñ aur kahīñ aur
maiñ aks huuñ ā.īna-e-imkāñ meñ tumhārā
tum sā jo nahīñ aur to mujh sā bhī nahīñ aur
ahbāb jo karte haiñ karam haal pe mere
kahtā hai junūñ aa.iye chal baiTheñ kahīñ aur
jaate haiñ miTāte hue vo naqsh-e-qadam ko
kah de koī un se ki hai ik ḳhāk-nashīñ aur
aañkh us ne milā.ī taḌap uTThā dil-e-muztar
taakā thā kahīñ aur paḌā tiir kahīñ aur
ham bhūle hue raah haiñ ai kāba-nashīno
jaate the kahīñ aur nikal aa.e kahīñ aur
detī hai maza nāsiya-sā.ī tire dar par
ik sajda jo kartā huuñ to kahtī hai jabīñ aur
kuchh roz 'jalīl' apnī rahī gar yahī hālat
DhūñDeñge falak aur nikāleñge zamīñ aur
اچھی کہی دل میں نے لگایا ہے کہیں اور
یہ جب ہو کہ تم سا ہو زمانے میں کہیں اور
گردوں پہ مہ و مہر گل و شمع زمیں پر
اک جلوۂ جاناں ہے کہیں اور کہیں اور
میں عکس ہوں آئینۂ امکاں میں تمہارا
تم سا جو نہیں اور تو مجھ سا بھی نہیں اور
احباب جو کرتے ہیں کرم حال پہ میرے
کہتا ہے جنوں آئیے چل بیٹھیں کہیں اور
جاتے ہیں مٹاتے ہوئے وہ نقش قدم کو
کہہ دے کوئی ان سے کہ ہے اک خاک نشیں اور
آنکھ اس نے ملائی تڑپ اٹھا دل مضطر
تاکا تھا کہیں اور پڑا تیر کہیں اور
ہم بھولے ہوئے راہ ہیں اے کعبہ نشینو
جاتے تھے کہیں اور نکل آئے کہیں اور
دیتی ہے مزہ ناصیہ سائی ترے در پر
اک سجدہ جو کرتا ہوں تو کہتی ہے جبیں اور
کچھ روز جلیلؔ اپنی رہی گر یہی حالت
ڈھونڈیں گے فلک اور نکالیں گے زمیں اور