आज तक दिल की आरज़ू है वही
फूल मुरझा गया है बू है वही
सौ बहारें जहाँ में आई गईं
माया-ए-सद-बहार तू है वही
जो हो पूरी वो आरज़ू ही नहीं
जो न पूरी हो आरज़ू है वही
मान लेता हूँ तेरे वा'दे को
भूल जाता हूँ मैं कि तू है वही
तुझ से सौ बार मिल चुके लेकिन
तुझ से मिलने की आरज़ू है वही
सब्र आ जाए इस की क्या उम्मीद
मैं वही दिल वही है तू है वही
हो गई है बहार में कुछ और
वर्ना साग़र वही सुबू है वही
'उम्र गुज़री तलाश में लेकिन
गर्मी-हा-ए-जुस्तुजू है वही
मय-कदे का 'जलील' रंग न पूछ
रक़्स-ए-जाम ओ ख़ुम ओ सुबू है वही
aaj tak dil kī aarzū hai vahī
phuul murjhā gayā hai bū hai vahī
sau bahāreñ jahāñ meñ aa.ī ga.iiñ
māya-e-sad-bahār tū hai vahī
jo ho puurī vo aarzū hī nahīñ
jo na puurī ho aarzū hai vahī
maan letā huuñ tere vā'de ko
bhuul jaatā huuñ maiñ ki tū hai vahī
tujh se sau baar mil chuke lekin
tujh se milne kī aarzū hai vahī
sabr aa jaa.e is kī kyā ummīd
maiñ vahī dil vahī hai tū hai vahī
ho ga.ī hai bahār meñ kuchh aur
varna sāġhar vahī subū hai vahī
'umr guzrī talāsh meñ lekin
garmī-hā-e-justujū hai vahī
mai-kade kā 'jalīl' rang na pūchh
raqs-e-jām o ḳhum o subū hai vahī
آج تک دل کی آرزو ہے وہی
پھول مرجھا گیا ہے بو ہے وہی
سو بہاریں جہاں میں آئی گئیں
مایۂ صد بہار تو ہے وہی
جو ہو پوری وہ آرزو ہی نہیں
جو نہ پوری ہو آرزو ہے وہی
مان لیتا ہوں تیرے وعدے کو
بھول جاتا ہوں میں کہ تو ہے وہی
تجھ سے سو بار مل چکے لیکن
تجھ سے ملنے کی آرزو ہے وہی
صبر آ جائے اس کی کیا امید
میں وہی دل وہی ہے تو ہے وہی
ہو گئی ہے بہار میں کچھ اور
ورنہ ساغر وہی سبو ہے وہی
عمر گزری تلاش میں لیکن
گرمی ہائے جستجو ہے وہی
مے کدہ کا جلیلؔ رنگ نہ پوچھ
رقص جام و خم و سبو ہے وہی