अदा अदा तिरी मौज-ए-शराब हो के रही
निगाह-ए-मस्त से दुनिया ख़राब हो के रही
ग़ज़ब था उन का तलव्वुन कि चार ही दिन में
निगाह-ए-लुत्फ़ निगाह-ए-इताब हो के रही
तिरी गली की हवा दिल को रास क्या आती
हुआ ये हाल कि मिट्टी ख़राब हो के रही
वो आह-ए-दिल जिसे सुन सुन के आप हँसते थे
ख़दंग-ए-नाज़ का आख़िर जवाब हो के रही
पड़ी थी किश्त-ए-तमन्ना जो ख़ुश्क मुद्दत से
रहीन-ए-मिन्नत-ए-चश्म-ए-पुर-आब हो के रही
हमारी कश्ती-ए-तौबा का ये हुआ अंजाम
बहार आते ही ग़र्क़-ए-शराब हो के रही
किसी में ताब कहाँ थी कि देखता उन को
उठी नक़ाब तो हैरत नक़ाब हो के रही
वो बज़्म-ए-ऐश जो रहती थी गर्म रातों को
फ़साना हो के रही एक ख़्वाब हो के रही
'जलील' फ़स्ल-ए-बहारी की देखिए तासीर
गिरी जो बूँद घटा से शराब हो के रही
adā adā tirī mauj-e-sharāb ho ke rahī
nigāh-e-mast se duniyā ḳharāb ho ke rahī
ġhazab thā un kā talavvun ki chaar hī din meñ
nigāh-e-lutf nigāh-e-itāb ho ke rahī
tirī galī kī havā dil ko raas kyā aatī
huā ye haal ki miTTī ḳharāb ho ke rahī
vo āh-e-dil jise sun sun ke aap hañste the
ḳhadañg-e-nāz kā āḳhir javāb ho ke rahī
paḌī thī kisht-e-tamannā jo ḳhushk muddat se
rahīn-e-minnat-e-chashm-e-pur-āb ho ke rahī
hamārī kashtī-e-tauba kā ye huā anjām
bahār aate hī ġharq-e-sharāb ho ke rahī
kisī meñ taab kahāñ thī ki dekhtā un ko
uThī naqāb to hairat naqāb ho ke rahī
vo bazm-e-aish jo rahtī thī garm rātoñ ko
fasāna ho ke rahī ek ḳhvāb ho ke rahī
'jalīl' fasl-e-bahārī kī dekhiye tāsīr
girī jo buuñd ghaTā se sharāb ho ke rahī
ادا ادا تری موج شراب ہو کے رہی
نگاہ مست سے دنیا خراب ہو کے رہی
غضب تھا ان کا تلون کہ چار ہی دن میں
نگاہ لطف نگاہ عتاب ہو کے رہی
تری گلی کی ہوا دل کو راس کیا آتی
ہوا یہ حال کہ مٹی خراب ہو کے رہی
وہ آہ دل جسے سن سن کے آپ ہنستے تھے
خدنگ ناز کا آخر جواب ہو کے رہی
پڑی تھی کشت تمنا جو خشک مدت سے
رہین منت چشم پر آب ہو کے رہی
ہماری کشتیٔ توبہ کا یہ ہوا انجام
بہار آتے ہی غرق شراب ہو کے رہی
کسی میں تاب کہاں تھی کہ دیکھتا ان کو
اٹھی نقاب تو حیرت نقاب ہو کے رہی
وہ بزم عیش جو رہتی تھی گرم راتوں کو
فسانہ ہو کے رہی ایک خواب ہو کے رہی
جلیلؔ فصل بہاری کی دیکھیے تاثیر
گری جو بوند گھٹا سے شراب ہو کے رہی