अजीब हुस्न है उन सुर्ख़ सुर्ख़ गालों में
मय-ए-दो-आतिशा भर दी है दो पियालों में
सुनें जो आप तो सोना हराम हो जाए
तमाम रात गुज़रती है जिन ख़यालों में
उमीद-ओ-यास ने झगड़े में डाल रक्खा है
न जीने वालों में हम हैं न मरने वालों में
चमन में गुल भी हिना भी मगर नसीब की बात
कोई तो सर चढ़े कोई हो पाएमालों में
नसीम-ए-शम्'-ए-लहद को ज़रा बचाए हुए
यही है एक ग़रीबों के रोने वालों में
यहाँ ख़िज़ाँ का न खटका न ख़ौफ़ गुलचीं का
बहार गुल में रहे या तुम्हारे गालों में
नहीं है लुत्फ़ कि ख़ल्वत में ग़ैर शामिल हो
उठा दो शम्अ को ये भी है जलने वालों में
चुभेगा क्या दिल-ए-पुर-ख़ूँ का राज़ आँखों से
जो होगा शीशे में आएगा वो पियालों में
हज़ार शुक्र कि हम नक़्स में हुए कामिल
'जलील' रह गई बात अपनी ज़ी-कमालों में
ajiib husn hai un surḳh surḳh gāloñ meñ
mai-e-do-ātisha bhar dī hai do piyāloñ meñ
suneñ jo aap to sonā harām ho jaa.e
tamām raat guzartī hai jin ḳhayāloñ meñ
umīd-o-yās ne jhagḌe meñ Daal rakkhā hai
na jiine vāloñ meñ ham haiñ na marne vāloñ meñ
chaman meñ gul bhī hinā bhī magar nasīb kī baat
koī to sar chaḌhe koī ho pā.emāloñ meñ
nasīm-e-sham'-e-lahad ko zarā bachā.e hue
yahī hai ek ġharīboñ ke rone vāloñ meñ
yahāñ ḳhizāñ kā na khaTkā na ḳhauf gulchīñ kā
bahār gul meñ rahe yā tumhāre gāloñ meñ
nahīñ hai lutf ki ḳhalvat meñ ġhair shāmil ho
uThā do sham.a ko ye bhī hai jalne vāloñ meñ
chubhegā kyā dil-e-pur-ḳhūñ kā raaz āñkhoñ se
jo hogā shīshe meñ aa.egā vo piyāloñ meñ
hazār shukr ki ham naqs meñ hue kāmil
'jalīl' rah ga.ī baat apnī zī-kamāloñ meñ
عجیب حسن ہے ان سرخ سرخ گالوں میں
مئے دوآتشہ بھر دی ہے دو پیالوں میں
سنیں جو آپ تو سونا حرام ہو جائے
تمام رات گزرتی ہے جن خیالوں میں
امید و یاس نے جھگڑے میں ڈال رکھا ہے
نہ جینے والوں میں ہم ہیں نہ مرنے والوں میں
چمن میں گل بھی حنا بھی مگر نصیب کی بات
کوئی تو سر چڑھے کوئی ہو پائمالوں میں
نسیم شمع لحد کو ذرا بچائے ہوئے
یہی ہے ایک غریبوں کے رونے والوں میں
یہاں خزاں کا نہ کھٹکا نہ خوف گلچیں کا
بہار گل میں رہے یا تمہارے گالوں میں
نہیں ہے لطف کہ خلوت میں غیر شامل ہو
اٹھا دو شمع کو یہ بھی ہے جلنے والوں میں
چبھے گا کیا دل پر خوں کا راز آنکھوں سے
جو ہوگا شیشے میں آئے گا وہ پیالوں میں
ہزار شکر کہ ہم نقص میں ہوئے کامل
جلیلؔ رہ گئی بات اپنی ذی کمالوں میں