आशिक़ी क्या हर बशर का काम है
मेरे दिल मेरे जिगर का काम है
हो हरी शाख़-ए-तमन्ना या न हो
सींच देना चश्म-ए-तर का काम है
बढ़ चले पैक-ए-तसव्वुर का क़दम
अब यहाँ क्या नामा-बर का काम है
दिल मिरा ले जाने वाला कौन था
ये किसी जादू-नज़र का काम है
हम से क्या हो वस्फ़ क़ातिल का बयाँ
ये लब-ए-ज़ख़्म-ए-जिगर का काम है
मौत जब आए तो राही जान हो
इस सफ़र में राहबर का काम है
फ़ैसला होने में दुश्वारी है क्या
तेरे ख़ंजर मेरे सर का काम है
आज आँसू तुम ने पोंछे भी तो क्या
ये तो अपना उम्र भर का काम है
गुल दिखाते हैं हमें क्या ज़ख़्म-ए-तन
दिल पे खाना कोई चरका काम है
दिल से लाए लब पे हम आह-ओ-फ़ुग़ाँ
अब तुझे लाना असर का काम है
दर-ब-दर फिरते ही गुज़री चर्ख़ को
ये उसी बेदाद-गर का काम है
आँखों आँखों में उड़ा लेते हैं दिल
दिलरुबाई भी नज़र का काम है
तेग़ क्यूँ चलने में बल खाने लगी
ये तिरी नाज़ुक कमर का काम है
सीने से कुछ हट के है दिल की जगह
इस जगह तिरछी नज़र का काम है
बे-चले ही पाँव देते हैं जवाब
मंज़िल-ए-उल्फ़त में सर का काम है
क़ुदसियों से कौन बाज़ी ले गया
ये बशर है ये बशर का काम है
मोतियों से मुँह तिरा भरना 'जलील'
आसिफ़-ए-आली-गुहर का काम है
āshiqī kyā har bashar kā kaam hai
mere dil mere jigar kā kaam hai
ho harī shāḳh-e-tamannā yā na ho
sīñch denā chashm-e-tar kā kaam hai
baḌh chale paik-e-tasavvur kā qadam
ab yahāñ kyā nāma-bar kā kaam hai
dil mirā le jaane vaalā kaun thā
ye kisī jādū-nazar kā kaam hai
ham se kyā ho vasf qātil kā bayāñ
ye lab-e-zaḳhm-e-jigar kā kaam hai
maut jab aa.e to raahī jaan ho
is safar meñ rāhbar kā kaam hai
faisla hone meñ dushvārī hai kyā
tere ḳhanjar mere sar kā kaam hai
aaj aañsū tum ne poñchhe bhī to kyā
ye to apnā umr bhar kā kaam hai
gul dikhāte haiñ hameñ kyā zaḳhm-e-tan
dil pe khānā koī charkā kaam hai
dil se laa.e lab pe ham āh-o-fuġhāñ
ab tujhe laanā asar kā kaam hai
dar-ba-dar phirte hī guzrī charḳh ko
ye usī bedād-gar kā kaam hai
āñkhoñ āñkhoñ meñ uḌā lete haiñ dil
dilrubā.ī bhī nazar kā kaam hai
teġh kyuuñ chalne meñ bal khāne lagī
ye tirī nāzuk kamar kā kaam hai
siine se kuchh haT ke hai dil kī jagah
is jagah tirchhī nazar kā kaam hai
be-chale hī paañv dete haiñ javāb
manzil-e-ulfat meñ sar kā kaam hai
qudsiyoñ se kaun baazī le gayā
ye bashar hai ye bashar kā kaam hai
motiyoñ se muñh tirā bharnā 'jalīl'
āsif-e-ālī-guhar kā kaam hai
عاشقی کیا ہر بشر کا کام ہے
میرے دل میرے جگر کا کام ہے
ہو ہری شاخ تمنا یا نہ ہو
سینچ دینا چشم تر کا کام ہے
بڑھ چلے پیک تصور کا قدم
اب یہاں کیا نامہ بر کا کام ہے
دل مرا لے جانے والا کون تھا
یہ کسی جادو نظر کا کام ہے
ہم سے کیا ہو وصف قاتل کا بیاں
یہ لب زخم جگر کا کام ہے
موت جب آئے تو راہی جان ہو
اس سفر میں راہ بر کا کام ہے
فیصلہ ہونے میں دشواری ہے کیا
تیرے خنجر میرے سر کا کام ہے
آج آنسو تم نے پونچھے بھی تو کیا
یہ تو اپنا عمر بھر کا کام ہے
گل دکھاتے ہیں ہمیں کیا زخم تن
دل پہ کھانا کوئی چرکا کام ہے
دل سے لائے لب پہ ہم آہ و فغاں
اب تجھے لانا اثر کا کام ہے
در بدر پھرتے ہی گزری چرخ کو
یہ اسی بیداد گر کا کام ہے
آنکھوں آنکھوں میں اڑا لیتے ہیں دل
دل ربائی بھی نظر کا کام ہے
تیغ کیوں چلنے میں بل کھانے لگی
یہ تری نازک کمر کا کام ہے
سینے سے کچھ ہٹ کے ہے دل کی جگہ
اس جگہ ترچھی نظر کا کام ہے
بے چلے ہی پاؤں دیتے ہیں جواب
منزل الفت میں سر کا کام ہے
قدسیوں سے کون بازی لے گیا
یہ بشر ہے یہ بشر کا کام ہے
موتیوں سے منہ ترا بھرنا جلیلؔ
آصف عالی گہر کا کام ہے