इस ख़राबे में कुछ आगे वो जगह आती है
कि जहाँ ख़्वाब भी टूटे तो सदा आती है
मैं ने ज़िंदान में सीखा था असीरों से इक इस्म
जिस को दीवार पे फूंकें तो हवा आती है
ख़ूब रौनक़ थी इन आँखों में फिर इक ख़्वाब आया
ऐसे जैसे किसी बस्ती में वबा आती है
उस को पर्दे का तरद्दुद नहीं करना पड़ता
ऐसा चेहरा है कि देखें तो हया आती है
लड़ने जाते हैं कि कुछ माल-ए-ग़नीमत ले आएँ
और फिर घर की तरफ़ सुर्ख़ ज़िरह आती है
ठीक है साथ रहो मेरे मगर एक सवाल
तुम को वहशत से हिफ़ाज़त की दु'आ आती है
सहन में फिरती है बरसों की सधाई हुई याद
जब भी पुच्कार के कहता हूँ कि आ आती है
is ḳharābe meñ kuchh aage vo jagah aatī hai
ki jahāñ ḳhvāb bhī TuuTe to sadā aatī hai
maiñ ne zindān meñ sīkhā thā asīroñ se ik ism
jis ko dīvār pe phūñkeñ to havā aatī hai
ḳhuub raunaq thī in āñkhoñ meñ phir ik ḳhvāb aayā
aise jaise kisī bastī meñ vabā aatī hai
us ko parde kā taraddud nahīñ karnā paḌtā
aisā chehra hai ki dekheñ to hayā aatī hai
laḌne jaate haiñ ki kuchh māl-e-ġhanīmat le aa.eñ
aur phir ghar kī taraf surḳh zirah aatī hai
Thiik hai saath raho mere magar ek savāl
tum ko vahshat se hifāzat kī du'ā aatī hai
sehn meñ phirtī hai barsoñ kī sadhā.ī huī yaad
jab bhī puchkār ke kahtā huuñ ki aa aatī hai
اس خرابے میں کچھ آگے وہ جگہ آتی ہے
کہ جہاں خواب بھی ٹوٹے تو سدا آتی ہے
میں نے زندان میں سیکھا تھا اسیروں سے اک اسم
جس کو دیوار پہ پھونکیں تو ہوا آتی ہے
خوب رونق تھی ان آنکھوں میں پھر اک خواب آیا
ایسے جیسے کسی بستی میں وبا آتی ہے
اس کو پردے کا تردد نہیں کرنا پڑتا
ایسا چہرہ ہے کہ دیکھیں تو حیا آتی ہے
لڑنے جاتے ہیں کہ کچھ مال غنیمت لے آئیں
اور پھر گھر کی طرف سرخ زرہ آتی ہے
ٹھیک ہے ساتھ رہو میرے مگر ایک سوال
تم کو وحشت سے حفاظت کی دعا آتی ہے
صحن میں پھرتی ہے برسوں کی سدھائی ہوئی یاد
جب بھی پچکار کے کہتا ہوں کہ آ آتی ہے