इक एक लफ़्ज़ को बरतूँ गर एहतिमाम से मैं
मक़ाम अपना बना सकता हूँ कलाम से मैं
वगरना उस की नज़र मुझ पे पड़ गई होती
ख़ुदा का शुक्र पुकारा गया न नाम से मैं
जवाब में मुझे मिलती है रात की कालक
सवाल करता हूँ जब भी चराग़-ए-शाम से मैं
इसी लिए तो मुक़द्दर पे नाज़ है मुझ को
कि बादशाह बनाया गया ग़ुलाम से मैं
लगा रहा हूँ सदा अपने दिल के ऐवाँ में
बुला रहा हूँ तुझे कितने एहतिराम से मैं
वो आग मुझ में भड़कती है जाँ तड़कती है
जो आग ले गया जलते हुए ख़ियाम से मैं
समझ रहा था कि 'ज़हराब' हूँ मगर फिर भी
निकल सका न मोहब्बत तुम्हारे दाम से मैं
ik ek lafz ko bartūñ gar ehtimām se maiñ
maqām apnā banā saktā huuñ kalām se maiñ
vagarna us kī nazar mujh pe paḌ ga.ī hotī
ḳhudā kā shukr pukārā gayā na naam se maiñ
javāb meñ mujhe miltī hai raat kī kālak
savāl kartā huuñ jab bhī charāġh-e-shām se maiñ
isī liye to muqaddar pe naaz hai mujh ko
ki bādshāh banāyā gayā ġhulām se maiñ
lagā rahā huuñ sadā apne dil ke aivāñ meñ
bulā rahā huuñ tujhe kitne ehtirām se maiñ
vo aag mujh meñ bhaḌaktī hai jaañ taḌaktī hai
jo aag le gayā jalte hue ḳhiyām se maiñ
samajh rahā thā ki 'zahrāb' huuñ magar phir bhī
nikal sakā na mohabbat tumhāre daam se maiñ
اک ایک لفظ کو برتوں گر اہتمام سے میں
مقام اپنا بنا سکتا ہوں کلام سے میں
وگرنہ اس کی نظر مجھ پہ پڑ گئی ہوتی
خدا کا شکر پکارا گیا نہ نام سے میں
جواب میں مجھے ملتی ہے رات کی کالک
سوال کرتا ہوں جب بھی چراغ شام سے میں
اسی لیے تو مقدر پہ ناز ہے مجھ کو
کہ بادشاہ بنایا گیا غلام سے میں
لگا رہا ہوں صدا اپنے دل کے ایواں میں
بلا رہا ہوں تجھے کتنے احترام سے میں
وہ آگ مجھ میں بھڑکتی ہے جاں تڑکتی ہے
جو آگ لے گیا جلتے ہوئے خیام سے میں
سمجھ رہا تھا کہ ظہرابؔ ہوں مگر پھر بھی
نکل سکا نہ محبت تمھارے دام سے میں