इक दिए के वास्ते हर-सू हवा-ए-पेश-ओ-पस
शहर में फैली हुई है बस फ़ज़ा-ए-पेश-ओ-पस
कर मिरी मौजूदगी को कारगर मेरे लिए
ऐ ख़ुदा-ए-लम-यज़ल ऐ मावरा-ए-पेश-ओ-पस
आ नहीं पाता तज़लज़ुल आरज़ू-ए-वस्ल में
वाहिमा तख़्लीक़ कर दे इक बराए पेश-ओ-पस
'इश्क़ की पहली नज़र हम से ख़फ़ा है आज और
दिल में बरपा है हमारे कर्बला-ए-पेश-ओ-पस
शाख़-ए-दिल से झड़ने लगते हैं समर उम्मीद के
ख़ामुशी में गूँजती है जब सदा-ए-पेश-ओ-पस
रख न पाया फिर सफ़र जारी मुसाफ़िर वक़्त का
थी किसी मज़बूत लहजे में नवा-ए-पेश-ओ-पस
आप की उल्फ़त में हम साबित-क़दम क्यूँकर रहें
आप ने बख़्शा ही क्या हम को सिवाए पेश-ओ-पस
इस तसलसुल से खुला है रंग-ए-दो-'आलम कि अब
नाम ही दिल का नहीं दिल है सरा-ए-पेश-ओ-पस
आप के होते हुए मा'दूम हम होने लगे
पेश-ओ-पस है सर-बसर बस इंतिहा-ए-पेश-ओ-पस
ik diye ke vāste har-sū havā-e-pesh-o-pas
shahr meñ phailī huī hai bas fazā-e-pesh-o-pas
kar mirī maujūdgī ko kārgar mere liye
ai ḳhudā-e-lam-yazal ai māvarā-e-pesh-o-pas
aa nahīñ paatā tazalzul ārzū-e-vasl meñ
vāhima taḳhlīq kar de ik barā.e pesh-o-pas
'ishq kī pahlī nazar ham se ḳhafā hai aaj aur
dil meñ barpā hai hamāre karbalā-e-pesh-o-pas
shāḳh-e-dil se jhaḌne lagte haiñ samar ummīd ke
ḳhāmushī meñ gūñjtī hai jab sadā-e-pesh-o-pas
rakh na paayā phir safar jaarī musāfir vaqt kā
thī kisī mazbūt lahje meñ navā-e-pesh-o-pas
aap kī ulfat meñ ham sābit-qadam kyūñkar raheñ
aap ne baḳhshā hī kyā ham ko sivā.e pesh-o-pas
is tasalsul se khulā hai rang-e-do-'ālam ki ab
naam hī dil kā nahīñ dil hai sarā-e-pesh-o-pas
aap ke hote hue mā'dūm ham hone lage
pesh-o-pas hai sar-basar bas intihā-e-pesh-o-pas
اک دیے کے واسطے ہر سو ہوائے پیش و پس
شہر میں پھیلی ہوئی ہے بس فضائے پیش و پس
کر مری موجودگی کو کارگر میرے لیے
اے خدائے لم یزل اے ماورائے پیش و پس
آ نہیں پاتا تزلزل آرزوئے وصل میں
واہمہ تخلیق کر دے اک برائے پیش و پس
عشق کی پہلی نظر ہم سے خفا ہے آج اور
دل میں برپا ہے ہمارے کربلائے پیش و پس
شاخ دل سے جھڑنے لگتے ہیں ثمر امید کے
خامشی میں گونجتی ہے جب صدائے پیش و پس
رکھ نہ پایا پھر سفر جاری مسافر وقت کا
تھی کسی مضبوط لہجے میں نوائے پیش و پس
آپ کی الفت میں ہم ثابت قدم کیوں کر رہیں
آپ نے بخشا ہی کیا ہم کو سوائے پیش و پس
اس تسلسل سے کھلا ہے رنگ دو عالم کہ اب
نام ہی دل کا نہیں دل ہے سرائے پیش و پس
آپ کے ہوتے ہوئے معدوم ہم ہونے لگے
پیش و پس ہے سربسر بس انتہائے پیش و پس