हिसार-ए-हिज्र के जुग़राफ़िए समझ आए
जब अपने दूर हुए मरसिए समझ आए
मैं वापस आ के बताऊँगी उन का हाल तुम्हें
अगर मज़ार पे जलते दिए समझ आए
तुम्हारे इश्क़ की इन साअ'तों के बा'द हमें
मुसव्विरी के नए ज़ाविए समझ आए
तराश डालूँगी अल्फ़ाज़ को ब-सूरत-ए-शेर
ग़ज़ल के जूँही मुझे क़ाफ़िए समझ आए
वो लिखने वाले ने लिक्खे थे बुग़्ज़ में जल कर
मुअर्रख़ीन को जो हाशिए समझ आए
हमें पसंद न था मुश्किलों में रहना भी
सो जितने रोज़ जहाँ में जिए समझ आए
बहुत से नक़्श अधूरे हैं अब तलक 'ताबिश'
बहुत से लोग तुम्हारे लिए समझ आए
hisār-e-hijr ke juġhrāfi.e samajh aa.e
jab apne duur hue marsiye samajh aa.e
maiñ vāpas aa ke batā.ūñgī un kā haal tumheñ
agar mazār pe jalte diye samajh aa.e
tumhāre ishq kī in sā.atoñ ke baa'd hameñ
musavvirī ke na.e zāviye samajh aa.e
tarāsh Dālūñgī alfāz ko ba-sūrat-e-sher
ġhazal ke jūñhī mujhe qāfiye samajh aa.e
vo likhne vaale ne likkhe the buġhz meñ jal kar
muarraḳhīn ko jo hāshiye samajh aa.e
hameñ pasand na thā mushkiloñ meñ rahnā bhī
so jitne roz jahāñ meñ jiye samajh aa.e
bahut se naqsh adhūre haiñ ab talak 'tābish'
bahut se log tumhāre liye samajh aa.e
حصار ہجر کے جغرافیے سمجھ آئے
جب اپنے دور ہوئے مرثیے سمجھ آئے
میں واپس آ کے بتاؤں گی ان کا حال تمہیں
اگر مزار پہ جلتے دیے سمجھ آئے
تمہارے عشق کی ان ساعتوں کے بعد ہمیں
مصوری کے نئے زاویے سمجھ آئے
تراش ڈالوں گی الفاظ کو بہ صورت شعر
غزل کے جوں ہی مجھے قافیے سمجھ آئے
وہ لکھنے والے نے لکھے تھے بغض میں جل کر
مورخین کو جو حاشیے سمجھ آئے
ہمیں پسند نہ تھا مشکلوں میں رہنا بھی
سو جتنے روز جہاں میں جیے سمجھ آئے
بہت سے نقش ادھورے ہیں اب تلک تابشؔ
بہت سے لوگ تمہارے لیے سمجھ آئے