ऐसा नहीं था अस्ल में जैसा बना लिया
दिल ने किसी की याद का चेहरा बना लिया
पहली नशिस्त आब्ला-पाओं में मेरी है
मजनूँ को मैं ने दश्त में चेला बना लिया
खींची है अपने ख़ून से नक़्शे पे इक लकीर
जंगल में अपनी मर्ज़ी का रस्ता बना लिया
मेरे लिए तो इन में कोई फ़र्क़ है नहीं
जब चाहा अपनी बेटी को बेटा बना लिया
महरूम यूँ हुई हूँ मैं उस दर के सामने
मकड़ी ने मेरे होंटों पे जाला बना लिया
उन में कशिश अजीब थी दरिया-दिली के साथ
लोगों ने दश्त-ज़ादों को आक़ा बना लिया
चमका था एक जुगनू मिरे दिल के आस-पास
अब जिस को सब ने आँख का तारा बना लिया
घर में जगह है उस की न है घाट में जगह
क़िस्मत को हम ने धोबी का कुत्ता बना लिया
हम ने वहाँ फ़रोख़्त की थी वहशतें 'सबा'
दुनिया ने जिस दुकान में खाता बना लिया
aisā nahīñ thā asl meñ jaisā banā liyā
dil ne kisī kī yaad kā chehra banā liyā
pahlī nashist ābla-pāoñ meñ merī hai
majnūñ ko maiñ ne dasht meñ chelā banā liyā
khīñchī hai apne ḳhuun se naqshe pe ik lakīr
jangal meñ apnī marzī kā rasta banā liyā
mere liye to in meñ koī farq hai nahīñ
jab chāhā apnī beTī ko beTā banā liyā
mahrūm yuuñ huī huuñ maiñ us dar ke sāmne
makḌī ne mere hoñToñ pe jaalā banā liyā
un meñ kashish ajiib thī dariyā-dilī ke saath
logoñ ne dasht-zādoñ ko aaqā banā liyā
chamkā thā ek jugnū mire dil ke ās-pās
ab jis ko sab ne aañkh kā taara banā liyā
ghar meñ jagah hai us kī na hai ghaaT meñ jagah
qismat ko ham ne dhobī kā kuttā banā liyā
ham ne vahāñ faroḳht kī thī vahshateñ 'sabā'
duniyā ne jis dukān meñ khātā banā liyā
ایسا نہیں تھا اصل میں جیسا بنا لیا
دل نے کسی کی یاد کا چہرہ بنا لیا
پہلی نشست آبلہ پاؤں میں میری ہے
مجنوں کو میں نے دشت میں چیلا بنا لیا
کھینچی ہے اپنے خون سے نقشے پہ اک لکیر
جنگل میں اپنی مرضی کا رستہ بنا لیا
میرے لیے تو ان میں کوئی فرق ہے نہیں
جب چاہا اپنی بیٹی کو بیٹا بنا لیا
محروم یوں ہوئی ہوں میں اس در کے سامنے
مکڑی نے میرے ہونٹوں پہ جالا بنا لیا
ان میں کشش عجیب تھی دریا دلی کے ساتھ
لوگوں نے دشت زادوں کو آقا بنا لیا
چمکا تھا ایک جگنو مرے دل کے آس پاس
اب جس کو سب نے آنکھ کا تارہ بنا لیا
گھر میں جگہ ہے اس کی نہ ہے گھاٹ میں جگہ
قسمت کو ہم نے دھوبی کا کتا بنا لیا
ہم نے وہاں فروخت کی تھی وحشتیں صباؔ
دنیا نے جس دکان میں کھاتا بنا لیا