हज़ारों ठोकरें खा कर हैं इस दरबार तक पहुँचे
बड़ी मुश्किल से हैं हम इस गुल-ए-गुलज़ार तक पहुँचे
तिरी क़िस्मत में हैं वा'इज़ यही बातें यही क़िस्से
नहीं क़िस्मत तिरी तू जल्वा-गाह-ए-यार तक पहुँचे
बला से 'अर्श पर पहुँचे न पहुँचे ये फ़ुग़ाँ मेरी
इसे इतनी रसाई दे दयार-ए-यार तक पहुँचे
चले आओ दिगर-गूँ है मिरे अन्फ़ास का 'आलम
कि अब ये आख़िरी गिनती में हैं दो चार तक पहुँचे
नहीं आना अगर ख़ुद तो कोई पैग़ाम भिजवा दे
अरे कुछ तो दवा-दारू तिरे बीमार तक पहुँचे
मिला जब हश्र में हम को ख़ुदा के 'अर्श का साया
हुआ महसूस तेरे साया-ए-दीवार तक पहुँचे
अभी से होश तुम ने खो दिए और बात करते हो
अभी मुश्किल से 'सा'दी' थे ख़याल-ए-यार तक पहुँचे
hazāroñ Thokareñ khā kar haiñ is darbār tak pahuñche
baḌī mushkil se haiñ ham is gul-e-gulzār tak pahuñche
tirī qismat meñ haiñ vā'iz yahī bāteñ yahī qisse
nahīñ qismat tirī tū jalva-gāh-e-yār tak pahuñche
balā se 'arsh par pahuñche na pahuñche ye fuġhāñ merī
ise itnī rasā.ī de dayār-e-yār tak pahuñche
chale aao digar-gūñ hai mire anfās kā 'ālam
ki ab ye āḳhirī gintī meñ haiñ do chaar tak pahuñche
nahīñ aanā agar ḳhud to koī paiġhām bhijvā de
are kuchh to davā-dārū tire bīmār tak pahuñche
milā jab hashr meñ ham ko ḳhudā ke 'arsh kā saaya
huā mahsūs tere sāya-e-dīvār tak pahuñche
abhī se hosh tum ne kho diye aur baat karte ho
abhī mushkil se 'sā'dī' the ḳhayāl-e-yār tak pahuñche
ہزاروں ٹھوکریں کھا کر ہیں اس دربار تک پہنچے
بڑی مشکل سے ہیں ہم اس گل گلزار تک پہنچے
تری قسمت میں ہیں واعظ یہی باتیں یہی قصے
نہیں قسمت تری تو جلوہ گاہ یار تک پہنچے
بلا سے عرش پر پہنچے نہ پہنچے یہ فغاں میری
اسے اتنی رسائی دے دیار یار تک پہنچے
چلے آؤ دگر گوں ہے مرے انفاس کا عالم
کہ اب یہ آخری گنتی میں ہیں دو چار تک پہنچے
نہیں آنا اگر خود تو کوئی پیغام بھجوا دے
ارے کچھ تو دوا دارو ترے بیمار تک پہنچے
ملا جب حشر میں ہم کو خدا کے عرش کا سایہ
ہوا محسوس تیرے سایۂ دیوار تک پہنچے
ابھی سے ہوش تم نے کھو دئے اور بات کرتے ہو
ابھی مشکل سے سعدیؔ تھے خیال یار تک پہنچے