हवा के वार पे अब वार करने वाला है
चराग़ बुझने से इंकार करने वाला है
ख़ुदा करे कि तिरा अज़्म बरक़रार रहे
ज़माना राह में दीवार करने वाला है
वही दिखाएगा तुझ को तमाम दाग़ तिरे
जिसे तू आइना-बरदार करने वाला है
ये वार तो कभी ख़ाली नहीं गया मेरा
कोई तो उस को ख़बर-दार करने वाला है
उसी ने रंग भरे हैं तमाम फूलों में
वही शजर को समर-दार करने वाला है
ज़मीन बेच के ख़ुश हो रहे हो तुम जिस को
वो सारे गाँव को बाज़ार करने वाला है
havā ke vaar pe ab vaar karne vaalā hai
charāġh bujhne se inkār karne vaalā hai
ḳhudā kare ki tirā azm barqarār rahe
zamāna raah meñ dīvār karne vaalā hai
vahī dikhā.egā tujh ko tamām daaġh tire
jise tū ā.ina-bardār karne vaalā hai
ye vaar to kabhī ḳhālī nahīñ gayā merā
koī to us ko ḳhabar-dār karne vaalā hai
usī ne rañg bhare haiñ tamām phūloñ meñ
vahī shajar ko samar-dār karne vaalā hai
zamīn bech ke ḳhush ho rahe ho tum jis ko
vo saare gaañv ko bāzār karne vaalā hai
ہوا کے وار پہ اب وار کرنے والا ہے
چراغ بجھنے سے انکار کرنے والا ہے
خدا کرے کہ ترا عزم برقرار رہے
زمانہ راہ میں دیوار کرنے والا ہے
وہی دکھائے گا تجھ کو تمام داغ ترے
جسے تو آئنہ بردار کرنے والا ہے
یہ وار تو کبھی خالی نہیں گیا میرا
کوئی تو اس کو خبردار کرنے والا ہے
اسی نے رنگ بھرے ہیں تمام پھولوں میں
وہی شجر کو ثمر دار کرنے والا ہے
زمین بیچ کے خوش ہو رہے ہو تم جس کو
وہ سارے گاؤں کو بازار کرنے والا ہے