हवा का शोर अगर कान में नहीं आता
मैं इतनी दूर बयाबान में नहीं आता
मैं अपनी जीत से वाक़िफ़ अगर नहीं होता
अकेला हश्र के मैदान में नहीं आता
पुकारा था मिरे हम-ज़ाद ने मुझे वर्ना
अँधेरी रात में तूफ़ान में नहीं आता
कभी कभी तो उसे इतना सोच लेता हूँ
मिरा वुजूद मिरे ध्यान में नहीं आता
ख़बर नहीं थी मुझे कूज़ा-गर भी है सय्याद
वगरना जिस्म के ज़िंदान में नहीं आता
दुबारा आँख की जानिब उसे ले आता हूँ
वो दोस्त जो मिरी पहचान में नहीं आता
मिरे वुजूद में अब रात भी नहीं होती
सहर का ज़िक्र भी इम्कान में नहीं आता
किसी भी ज़ाविए से देख ले कोई 'आज़र'
फ़लक किसी के भी विज्दान में नहीं आता
havā kā shor agar kaan meñ nahīñ aatā
maiñ itnī duur bayābān meñ nahīñ aatā
maiñ apnī jiit se vāqif agar nahīñ hotā
akelā hashr ke maidān meñ nahīñ aatā
pukārā thā mire ham-zād ne mujhe varna
añdherī raat meñ tūfān meñ nahīñ aatā
kabhī kabhī to use itnā soch letā huuñ
mirā vujūd mire dhyān meñ nahīñ aatā
ḳhabar nahīñ thī mujhe kūza-gar bhī hai sayyād
vagarna jism ke zindān meñ nahīñ aatā
dubāra aañkh kī jānib use le aatā huuñ
vo dost jo mirī pahchān meñ nahīñ aatā
mire vujūd meñ ab raat bhī nahīñ hotī
sahar kā zikr bhī imkān meñ nahīñ aatā
kisī bhī zāviye se dekh le koī 'āzar'
falak kisī ke bhī vijdān meñ nahīñ aatā
ہوا کا شور اگر کان میں نہیں آتا
میں اتنی دور بیابان میں نہیں آتا
میں اپنی جیت سے واقف اگر نہیں ہوتا
اکیلا حشر کے میدان میں نہیں آتا
پکارا تھا مرے ہم زاد نے مجھے ورنہ
اندھیری رات میں طوفان میں نہیں آتا
کبھی کبھی تو اسے اتنا سوچ لیتا ہوں
مرا وجود مرے دھیان میں نہیں آتا
خبر نہیں تھی مجھے کوزہ گر بھی ہے صیاد
وگرنہ جسم کے زندان میں نہیں آتا
دوبارہ آنکھ کی جانب اسے لے آتا ہوں
وہ دوست جو مری پہچان میں نہیں آتا
مرے وجود میں اب رات بھی نہیں ہوتی
سحر کا ذکر بھی امکان میں نہیں آتا
کسی بھی زاویے سے دیکھ لے کوئی آزرؔ
فلک کسی کے بھی وجدان میں نہیں آتا