हर नुक्ता-ए-बुताँ है अदा साज़-ए-दिल-फ़रेब
ख़ाली नहीं तरब से ये है नाज़-ए-दिल-फ़रेब
ऐसे ठटोलियों से न कर बे-क़रार दिल
जीने दे कोई दम तू ऐ तन्नाज़-ए-दिल-फ़रेब
शुक्र-ए-ख़ुदा फिरा है मिरा नामा-बर शिताब
आ कान में कहे है कई राज़-ए-दिल-फ़रेब
है ख़ौफ़-ए-शादी मर्ग न हूँ इस ख़ुशी से मैं
उस की ज़बानी सुनते ये आवाज़-ए-दिल-फ़रेब
देखा ही क्या बला है जो बे-ख़ुद है 'इम्तियाज़'
किस की निगाह-ए-मस्त का अंदाज़-ए-दिल-फ़रेब
ख़ाना-ख़राब मुझ से छुपावे है क्यूँ बता
देखूँ वो कौन है तिरा दम-साज़ दिल-फ़रेब
भर आह रो कहा कि वो मस्त-ए-शबाब है
मिलता नहीं किसी से ये ए'ज़ाज़-ए-दिल-फ़रेब
har nukta-e-butāñ hai adā sāz-e-dil-fareb
ḳhālī nahīñ tarab se ye hai nāz-e-dil-fareb
aise ThaToliyoñ se na kar be-qarār dil
jiine de koī dam tū ai tannāz-e-dil-fareb
shukr-e-ḳhudā phirā hai mirā nāma-bar shitāb
aa kaan meñ kahe hai ka.ī rāz-e-dil-fareb
hai ḳhauf-e-shādī marg na huuñ is ḳhushī se maiñ
us kī zabānī sunte ye āvāz-e-dil-fareb
dekhā hī kyā balā hai jo be-ḳhud hai 'imtiyāz'
kis kī nigāh-e-mast kā andāz-e-dil-fareb
ḳhāna-ḳharāb mujh se chhupāve hai kyuuñ batā
dekhūñ vo kaun hai tirā dam-sāz dil-fareb
bhar aah ro kahā ki vo mast-e-shabāb hai
miltā nahīñ kisī se ye e.azāz-e-dil-fareb
ہر نکتۂ بتاں ہے ادا ساز دل فریب
خالی نہیں طرب سے یہ ہے ناز دل فریب
ایسے ٹھٹولیوں سے نہ کر بے قرار دل
جینے دے کوئی دم تو اے طناز دل فریب
شکر خدا پھرا ہے مرا نامہ بر شتاب
آ کان میں کہے ہے کئی راز دل فریب
ہے خوف شادی مرگ نہ ہوں اس خوشی سے میں
اس کی زبانی سنتے یہ آواز دل فریب
دیکھا ہی کیا بلا ہے جو بے خود ہے امتیازؔ
کس کی نگاہ مست کا انداز دل فریب
خانہ خراب مجھ سے چھپاوے ہے کیوں بتا
دیکھوں وہ کون ہے ترا دم ساز دل فریب
بھر آہ رو کہا کہ وہ مست شباب ہے
ملتا نہیں کسی سے یہ اعزاز دل فریب