हर इक यक़ीन मबादा गुमाँ निकलने लगे
ज़मीं खुदे तो फ़लक आठवाँ निकलने लगे
सपाट खेत हुआ करते थे यहाँ पहले
सड़क का बीज पड़ा तो मकाँ निकलने लगे
समय ने छेद किया हाफ़िज़े के पेंदे में
इक एक कर के सभी रफ़्तगाँ निकलने लगे
उसे दिखाना था इक ज़ख़्म उस का बख़्शा हुआ
जगह-जगह से रफ़ू के निशाँ निकलने लगे
समुंदरों के मुसाफ़िर उतर के जिन पे बसे
वो सब जज़ीरे भी आतिश-फ़िशाँ निकलने लगे
यूँही सुलगता रहा तो हर एक साँस के साथ
कोई ब'ईद नहीं है धुआँ निकलने लगे
निचोड़ लेता हूँ ख़ल्वत में आँखें वर्ना 'उमैर'
नमी का किस को पता कब कहाँ निकलने लगे
har ik yaqīn mabādā gumāñ nikalne lage
zamīñ khude to falak āTHvāñ nikalne lage
sapāT khet huā karte the yahāñ pahle
saḌak kā biij paḌā to makāñ nikalne lage
samay ne chhed kiyā hāfize ke peñde meñ
ik ek kar ke sabhī raftagāñ nikalne lage
use dikhānā thā ik zaḳhm us kā baḳhshā huā
jagah-jagah se rafū ke nishāñ nikalne lage
samundaroñ ke musāfir utar ke jin pe base
vo sab jazīre bhī ātish-fishāñ nikalne lage
yūñhī sulagtā rahā to har ek saañs ke saath
koī ba'īd nahīñ hai dhuāñ nikalne lage
nichoḌ letā huuñ ḳhalvat meñ āñkheñ varna 'umair'
namī kā kis ko pata kab kahāñ nikalne lage
ہر اک یقین مبادا گماں نکلنے لگے
زمیں کھدے تو فلک آٹھواں نکلنے لگے
سپاٹ کھیت ہوا کرتے تھے یہاں پہلے
سڑک کا بیج پڑا تو مکاں نکلنے لگے
سمے نے چھید کیا حافظے کے پیندے میں
اک ایک کر کے سبھی رفتگاں نکلنے لگے
اسے دکھانا تھا اک زخم اس کا بخشا ہوا
جگہ جگہ سے رفو کے نشاں نکلنے لگے
سمندروں کے مسافر اتر کے جن پہ بسے
وہ سب جزیرے بھی آتش فشاں نکلنے لگے
یونہی سلگتا رہا تو ہر ایک سانس کے ساتھ
کوئی بعید نہیں ہے دھواں نکلنے لگے
نچوڑ لیتا ہوں خلوت میں آنکھیں ورنہ عمیرؔ
نمی کا کس کو پتہ کب کہاں نکلنے لگے