हमें तहफ़्फ़ुज़ का ख़ब्त छुपने की लत नहीं थी
फ़लक से रब्त उस्तुवार था घर की छत नहीं थी
मैं कारोबार-ए-जुनूँ को अब तर्क कर चुका हूँ
वो काम अच्छा था लेकिन उस में बचत नहीं थी
वो शख़्स भी शे'र था कोई सेहल-ए-मुमतना’ में
नहीं खुला गरचे उस की कोई परत नहीं थी
बहुत सा ग़म इस लिए मुनाफ़ा' घटा के बेचा
किया था जितना दर-आमद उतनी खपत नहीं थी
इक और 'इश्क़ आ गया था दौरान-ए-हिज्र टाला
मुमानि’अत तो नहीं थी मुझ में सकत नहीं थी
हमारा चेहरा बहुत सी आँखों का पीर है अब
वो आँखें जिन को मलाल की मा'रिफ़त नहीं थी
भला हो नम का कि इक जगह पर बिठा दिया है
वगर्ना मुझ गर्द की ज़मीं से जड़त नहीं थी
hameñ tahaffuz kā ḳhabt chhupne kī lat nahīñ thī
falak se rabt ustuvār thā ghar kī chhat nahīñ thī
maiñ kārobār-e-junūñ ko ab tark kar chukā huuñ
vo kaam achchhā thā lekin us meñ bachat nahīñ thī
vo shaḳhs bhī she'r thā koī sehl-e-mumtana’ meñ
nahīñ khulā garche us kī koī parat nahīñ thī
bahut sā ġham is liye munāfa' ghaTā ke bechā
kiyā thā jitnā dar-āmad utnī khapat nahīñ thī
ik aur 'ishq aa gayā thā daurān-e-hijr Taalā
mumāni’at to nahīñ thī mujh meñ sakat nahīñ thī
hamārā chehra bahut sī āñkhoñ kā piir hai ab
vo āñkheñ jin ko malāl kī mā'rifat nahīñ thī
bhalā ho nam kā ki ik jagah par biThā diyā hai
vagarna mujh gard kī zamīñ se jaḌat nahīñ thī
ہمیں تحفظ کا خبط چھپنے کی لت نہیں تھی
فلک سے ربط استوار تھا گھر کی چھت نہیں تھی
میں کاروبار جنوں کو اب ترک کر چکا ہوں
وہ کام اچھا تھا لیکن اس میں بچت نہیں تھی
وہ شخص بھی شعر تھا کوئی سہل ممتنع میں
نہیں کھلا گرچہ اس کی کوئی پرت نہیں تھی
بہت سا غم اس لیے منافع گھٹا کے بیچا
کیا تھا جتنا در آمد اتنی کھپت نہیں تھی
اک اور عشق آ گیا تھا دوران ہجر ٹالا
ممانعت تو نہیں تھی مجھ میں سکت نہیں تھی
ہمارا چہرہ بہت سی آنکھوں کا پیر ہے اب
وہ آنکھیں جن کو ملال کی معرفت نہیں تھی
بھلا ہو نم کا کہ اک جگہ پر بٹھا دیا ہے
وگرنہ مجھ گرد کی زمیں سے جڑت نہیں تھی